ЗША ўвялі санкцыі супраць сямі прарасейскіх сэпаратыстаў ва Ўкраіне, паведамляе Міністэрства фінансаў ЗША.
Пад дзеяньне санкцый патрапілі самаабвешчаны лідэр групоўкі «Луганская народная рэспубліка» Валерый Болатаў; камандзір баевікоў Данбасу Ігар Гіркін; лідэр Саюзу праваслаўных грамадзян Украіны Валерый Каураў; выканаўца абавязкаў губэрнатара Севастопалю Сяргей Мяняйла; самаабвешчаны мэр Славянску Вячаслаў Панамароў; лідэр групоўкі «Данецкая народная рэспубліка» Андрэй Пургін; самаабвешчаны «старшыня прэзыдыюму Вярхоўнага Савету ДНР» Дзяніс Пушылін.
Санкцыі супраць гэтых асобаў прадугледжваюць замарожаньне любых іхных актываў, якія знаходзяцца пад юрысдыкцыяй ЗША. Акрамя таго, апэрацыі з грамадзянамі ЗША або на тэрыторыі Злучаных Штатаў з удзелам гэтых асобаў забароненыя.
Як заявілі ў Міністэрстве фінансаў ЗША, санкцыі ўводзяцца ў сувязі зь дзеяньнямі гэтых асобаў, якія прывялі да пагрозы міру, бясьпекі, стабільнасьці, сувэрэнітэту і тэрытарыяльнай цэласьці Ўкраіны.
ЗША працягнуць ужываць захады супраць тых асобаў, якія маюць дачыненьне да дэстабілізацыі сытуацыі ў Крыме і на ўсходзе Ўкраіны, гаворыцца ў паведамленьні.
Пад дзеяньне санкцый патрапілі самаабвешчаны лідэр групоўкі «Луганская народная рэспубліка» Валерый Болатаў; камандзір баевікоў Данбасу Ігар Гіркін; лідэр Саюзу праваслаўных грамадзян Украіны Валерый Каураў; выканаўца абавязкаў губэрнатара Севастопалю Сяргей Мяняйла; самаабвешчаны мэр Славянску Вячаслаў Панамароў; лідэр групоўкі «Данецкая народная рэспубліка» Андрэй Пургін; самаабвешчаны «старшыня прэзыдыюму Вярхоўнага Савету ДНР» Дзяніс Пушылін.
Санкцыі супраць гэтых асобаў прадугледжваюць замарожаньне любых іхных актываў, якія знаходзяцца пад юрысдыкцыяй ЗША. Акрамя таго, апэрацыі з грамадзянамі ЗША або на тэрыторыі Злучаных Штатаў з удзелам гэтых асобаў забароненыя.
Як заявілі ў Міністэрстве фінансаў ЗША, санкцыі ўводзяцца ў сувязі зь дзеяньнямі гэтых асобаў, якія прывялі да пагрозы міру, бясьпекі, стабільнасьці, сувэрэнітэту і тэрытарыяльнай цэласьці Ўкраіны.
ЗША працягнуць ужываць захады супраць тых асобаў, якія маюць дачыненьне да дэстабілізацыі сытуацыі ў Крыме і на ўсходзе Ўкраіны, гаворыцца ў паведамленьні.
