Лінкі ўнівэрсальнага доступу

Анэкдот: Рускія і ўкраінцы назаўжды застануцца братамі. Як Каін і Авэль.


Прапануем чарговую падборку анэкдотаў з украінскага інтэрнэту і рунэту, прысьвечаных украінcка-расейскаму канфлікту.

А памятаеце, гадоў 12 таму было вельмі папулярным пытаньне «Who is mr. Putin?». Тады ніхто нават не здагадваўся...
— Парашэнка прызначыў Ірыну Герашчанку ўпаўнаважанай па мірным урэгуляваньні канфлікту ў Данецкай і Луганскай абласьцях.
— Відаць, наш гарант па прыклад Пуціна вырашыў мець зносіны з ворагамі, прыкрываючыся жанчынамі.

Першая Сусьветная вайна пачалася роўна сто гадоў таму, у ліпені 1914 года. Мужыкі, у нас ёсьць яшчэ час даглядзець ЧС па футболе!
Навошта Пуціну ладзіць у Крыме гульнявую зону? — Можа быць, ён яго раней прайграў і цяпер хоча адыграцца...

МЗС РФ катэгарычна пратэстуе як супраць будаўніцтва муру ўздоўж мяжы з Расеяй, так і супраць таго, што на ім будзе напісана...
Парашэнка пакуль не ўдалося дамовіцца з тэрарыстамі. Ён прапануе спачатку круглы стол, а потым — салодкі. А сэпаратысты патрабуюць наадварот.

Пуцін заявіў, што нягледзячы ні на што, рускія і ўкраінцы назаўжды застануцца братамі. Як Каін і Авэль.
Размова амерыканцаў:
— Слухай, Джон, я ня ведаю, хто такія ўкраінцы, але цукеркі для іх сам прэзыдэнт робіць!

Чаму Пуцін не накіраваў Мядзьведзева дывэрсантам у Данбас? Бо Дзімона не відаць нават тады, калі ён ёсьць.

— Спэцыялісты кажуць, што наш народ стаў жыць лепш.
— А людзі сьцьвяржаюць, што нічога не адчуваюць.
— Але ж яны ж не спэцыялісты.

На тры рэчы можна глядзець бясконца — як цячэ вада, як гарыць агонь, і як Расея адводзіць свае войскі ад мяжы з Украінай.
Данецкі алігарх Ахмэтаў скардзіцца калегам:
— З-за гэтых падзеяў на Данбасе я апусьціўся ў рэйтынгу «Форбс» з 20-га месца на 30-е!
— Так, пабіла цябе жыцьцё...
  • 16x9 Image

    Юры Дракахруст

    Журналіст. Нарадзіўся ў 1960 г. Зь 2000 г. — супрацоўнік Беларускай рэдакцыі Радыё Свабода ў Празе. Ляўрэат прэміі Беларускай асацыяцыі журналістаў (1996).
     

XS
SM
MD
LG