Лінкі ўнівэрсальнага доступу

Самалёт МНС Расеі даставіў з Сырыі 6 беларусаў


Самалёт МНС Расеі даставіў у Сырыю гуманітарную дапамогу і забраў на зваротным шляху грамадзян Расейскай Фэдэрацыі і краін СНД, якія пажадалі пакінуць гэтую краіну.

Пра гэта паведамляе Інтэрфакс са спасылкай на афіцыйнага прадстаўніка МНС Расеі Аляксандра Драбышэўскага.

«У аўторак днём самалёт МНС Іл-76 даставіў у Латакію каля 10 тон гуманітарных грузаў — коўдры і мясныя кансэрвы», — сказаў ён.

Паводле словаў Драбышэўскага, гэтым жа самалётам Сірыю пакінулі 90 чалавек — як расейцаў, так і грамадзаняў СНД, у тым ліку 39 дзяцей.

«Сярод іх 62 грамадзяніны Расеі, 10 — Украіны, шасьцёра — Беларусі і 12 — грамадзянаў Сырыі», — удакладніў прадстаўнік МНС.

Самалёт прызямліўся ў маскоўскім аэрапорце «Дамадзедава».
XS
SM
MD
LG