Лінкі ўнівэрсальнага доступу

На ўсходзе Ўкраіны загінулі 270 чалавек


З красавіка ва ўсходніх рэгіёнах Украіны загінулі 270 чалавек, паведаміла прэс-служба міністэрства аховы здароўя Ўкраіны.

«З пачатку супрацьстаяньня на ўсходзе Ўкраіны па цяперашні час, паводле зьвестак дэпартамэнту аховы здароўя Данецкай АДА, у Данецкай вобласьці загінула 225 чалавек (пацьверджана заключэньнем бюро судова-мэдычнай экспэртызы). Зь іх восем жанчын. Таксама ёсьць папярэдняя інфармацыя аб гібелі двух дзяцей», – гаворыцца на сайце ведамства.

У Луганскай вобласьці за той жа час загінулі 45 чалавек, сярод якіх восем жанчын.

15 красавіка выканаўца абавязкаў прэзыдэнта Ўкраіны Аляксандар Турчынаў абвясьціў аб пачатку антытэрарыстычнай апэрацыі ў Данецкай вобласьці на ўсходзе Ўкраіны.

У аўторак прэзыдэнт Украіны Пётр Парашэнка даручыў стварыць калідор для ўцекачоў, якія хочуць пакінуць тэрыторыі на паўднёвым усходзе краіны, каб пазьбегнуць новых ахвяраў сярод мірнага насельніцтва.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG