Лінкі ўнівэрсальнага доступу

Ужо сёньня, 30 траўня: Сустрэча прэм’ер-міністраў СНД у Менску


Будынак выканкаму СНД у Менску

Будынак выканкаму СНД у Менску

Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

У «Прэзыдэнт-гатэлі» ў Менску адбудзецца пасяджэньне Рады кіраўнікоў урадаў СНД пад старшынствам беларускага прэм’ер-міністра Міхаіла Мясьніковіча. Да падпісаньня на сустрэчы рыхтуюцца шэсьць міжнародных дамоваў, у тым ліку праекты пагадненьняў аб супрацоўніцтве ў сфэры абмену навукова-тэхнічнай інфармацыі, аб інфармацыйным узаемадзеяньні ў галіне транспартнай бясьпекі, у галіне навігацыйнага забесьпячэньня, а таксама супрацоўніцтве інжынэрных войскаў дзяржаў СНД у галіне гуманітарнага разьмініраваньня.

Канцэрт у рамках праектаў «Цішы Лабаноры» і «Няміга» ў Менску. Праект «Цішы Лабаноры» – музыка заснаваная на імправізацыі музыкантаў-дудароў паводле народных беларускіх і літоўскіх матываў (Тодар Кашкурэвіч, Гвідас Кавера) і літоўскага джаз-саксафаніста Пятраса Вішняўскаса. «Няміга» – новы праект гурта «ЭССА» (Тодар Кашкурэвіч, Вольга Дзядовік-Кашкурэвіч). Праект будзе прэзэнтаваны з удзелам Пятраса Вішняўскаса і Гвідаса Каверы. Малая канцэртная заля «Менск», пачатак а 19.00.
ГЭТЫ ДЗЕНЬ У ГІСТОРЫІ

1814 – Напалеон быў сасланы на востраў Эльба.

1999 – адбылася трагічная цісканіна ў пераходзе станцыі мэтро «Няміга» у Менску, загінулі 53 чалавекі.

У гэты дзень нарадзіліся:

1265 – Дантэ Аліг’еры, італьянскі паэт.

1814 – Міхаіл Бакунін, расейскі рэвалюцыянэр, пачынальнік анархізму.

1927 – Вітаўт Кіпель, дзяяч беларускай дыяспары ў ЗША, навуковец і выдавец, дырэктар Беларускага інстытуту навукі і мастацтва ў Нью-Ёрку.

У гэты дзень памерлі:

1416 – спалены на вогнішчы Геранім Праскі, чэскі рэлігійны дзяяч, паплечнік Яна Гуса.

1431 – спаленая на вогнішчы Жанна д’Арк, нацыянальная гераіня Францыі і каталіцкая сьвятая.

1778 – Вальтэр, францускі філёзаф.

1960 – Барыс Пастарнак, расейскі паэт і пісьменьнік, ляўрэат Нобэлеўскай прэміі ў літаратуры 1958 году.
ЦЫТАТА НА ПАМЯЦЬ:

«Каб Бог падараваў перамогу, салдаты павінны змагацца».

Жанна д’Арк
XS
SM
MD
LG