Лідэр партыі «УДАР» Віталь Клічко, які, паводле папярэдніх дадзеных, перамагае на выбарах мэра Кіева, заявіў, што будзе прасіць Вярхоўную Раду аб’яднаць пасады кіраўніка гораду і кіраўніка Кіеўскай гарадзкой дзяржаўнай адміністрацыі, каб эфэктыўна кіраваць украінскай сталіцай.
Паводле дадзеных экзыт-полаў, Клічко займеў падтрымку больш як 57 працэнтаў выбарцаў. Яго асноўны палітычны супернік — дэпутат Вярхоўнай Рады Леся Арабец — набрала 10,3 адсотка.
Клічко паведаміў, што будзе зьвяртацца да прыхільнікаў Майдану з просьбай разабраць барыкады. Лідэр «УДАРу» таксама заявіў, што на пасадзе мэра Кіева ён мае намер перамагчы карупцыю і заняцца мадэрнізацыяй гарадзкой гаспадаркі. Паводле ягоных слоў, у горадзе неабходна рэфармаваць транспартную сыстэму, ЖКГ, мэдыцыну. Клічко таксама заявіў, што зьбіраецца наладзіць дыялёг з адміністрацыямі ўсіх сусьветных сталіц, у тым ліку з Масквой. Дыялёг заўсёды лепшы за супрацьстаяньне, адзначыў будучы мэр Кіева.
Напярэдадні выбараў кіраўніка дзяржавы Клічко адмовіўся ад прэзыдэнцкіх амбіцыяў, падтрымаўшы кандыдатуру Пятра Парашэнкі.
Паводле дадзеных экзыт-полаў, Клічко займеў падтрымку больш як 57 працэнтаў выбарцаў. Яго асноўны палітычны супернік — дэпутат Вярхоўнай Рады Леся Арабец — набрала 10,3 адсотка.
Клічко паведаміў, што будзе зьвяртацца да прыхільнікаў Майдану з просьбай разабраць барыкады. Лідэр «УДАРу» таксама заявіў, што на пасадзе мэра Кіева ён мае намер перамагчы карупцыю і заняцца мадэрнізацыяй гарадзкой гаспадаркі. Паводле ягоных слоў, у горадзе неабходна рэфармаваць транспартную сыстэму, ЖКГ, мэдыцыну. Клічко таксама заявіў, што зьбіраецца наладзіць дыялёг з адміністрацыямі ўсіх сусьветных сталіц, у тым ліку з Масквой. Дыялёг заўсёды лепшы за супрацьстаяньне, адзначыў будучы мэр Кіева.
Напярэдадні выбараў кіраўніка дзяржавы Клічко адмовіўся ад прэзыдэнцкіх амбіцыяў, падтрымаўшы кандыдатуру Пятра Парашэнкі.
