Экзыт-пол: Парашэнка перамагае ў першым туры

Паводле вынікаў нацыянальнага экзыт-полу (фонд «Дэмакратычныя ініцыятывы», КМІС, Цэнтар Разумкова), Парашэнка атрымлівае 55,9% галасоў, Цімашэнка — 12,9, Ляшко — 8,0, Грыцэнка — 6,3, Цігіпка — 4,7, Добкін — 2,1, Багамолец — 1,9, Рабіновіч — 1,9, Цягнібок — 1,3, Сіманенка — 1,1, Яраш — 0,9.

Паводле зьвестак Ўсеўкраінскага тэлевізійнага экзіт-полу Пётр Парашэнка атрымлівае 57,3% галасоў. На другім месцы разьмясьцілася Юлія Цімашэнка з вынікам у 12,4% галасоў. Сэнсацыяй стаў Алег Ляшко, які заняў трэцяе месца з вынікам у 8,7% галасоў.

Анатоль Грыцэнка заняў 4-е месца з вынікам ў 6%. У топ-5 ўвайшоў таксама Сяргей Цігіпка. За яго прагаласавала 4,4% украінцаў. Міхаіл Добкін атрымаў 2,3% галасоў выбаршчыкаў, а Вадзім Рабіновіч — 2%.

У Вольгі Богомолец — 1,8% , у Алега Цягнібока — 1,5%. Пятро Сіманенка з вынікам у 1,3% ледзь абагнаў Дзьмітрыя Яраша, за якога прагаласавалі 1,1% украінцаў.

Астатнія кандыдаты не пераадолелі бар’ер у 1% .

А ўсеўкраінскі тэлевізійны экзыт-пол правяла кампанія «TNS ва Украіне» на замову чатырох тэлеканалаў — ICTV, «1 +1», ТРК «Україна» і «Інтер».

У рамках гэтага экзыт-полу плянавалася апытаць 20 тысяч рэспандэнтаў на 610 выбарчых участках.