Камэнтуючы ў прыватнай гутарцы палітыку Расеі ў дачыненьні да Ўкраіны і анэксію Крыму, прынц Валійскі заўважыў: «І цяпер Пуцін робіць амаль тое ж самае, што рабіў Гітлер».
Мэрыэн Фэргюсон, якая страціла падчас Галякосту сваякоў і якая праводзіла для прынца Чарльза экскурсію па канадзкаму музэю іміграцыі ў Галіфаксе, пацьвердзіла BBC, што прынц сапраўды сказаў ёй такую фразу.
«Ён спытаў, калі я прыехала ў Канаду. Я сказала, у 1939 годзе. Ён кінуў фразу, што цяпер Пуцін робіць некаторыя рэчы, якія раней рабіў Гітлер. Я пагадзілася з прынцам: вы бачыце, як ён захоплівае краіны гэтак жа, як гэта рабіў Гітлер. Прынц асабліва і не казаў нічога пра саму Расею», — заявіла Фэргюсон.
6 чэрвеня, у гадавіну высадкі саюзных войскаў у Нармандыі, на ўрачыстых мерапрыемствах у Францыі заплянавана сустрэча прынца Чарльза з прэзыдэнтам Пуціным, сьцьвярджае Daily Mail.
