Лінкі ўнівэрсальнага доступу

Сьмерць Зьмітра Сідаровіча: Крымінал? Самагубства? Тромб?


Зьміцер Сідаровіч

Зьміцер Сідаровіч

У нядзелю ў менскай кватэры знайшлі мёртвым вядомага барда Зьмітра Сідаровіча. Свабода дасьледавала вэрсіі сьмерці.



Крымінальная вэрсія


Сьпявачка Тацяна Матафонава:

Паводле Тацяны Матафонавай, вэрсія пра крымінальны характар сьмерці Зьмітра Сідаровіча зьявілася толькі таму, што, паводле сьведак, у ягонай кватэры аказалася шмат крыві:

«Мы ўсе творчыя людзі, ува ўсіх фантазія, і таму маглі гэтак падумаць. Нібыта ці забілі, ці сам з сабой нешта зрабіў. Але цяпер становіцца зразумела, адкуль зьявілася кроў — у яго, відаць, здарылася закупорка крывяноснай сыстэмы з-за тромба. Гэта магчыма».


Вэрсія самагубства


У суботу 17 траўня Зьміцер Сідаровіч меўся выступаць на вечарыне разам зь Любоўю Сівуравай. Але не прыйшоў, хоць, як згадвае спадарыня Сівурава, напярэдадні, у пятніцу ўвечары, сам зьвязваўся зь ёй праз тэлефон і абмяркоўваў праграму выступу. Любоў Сівурава перакананая, што плянаў сыходзіць з жыцьця ў Зьмітра Сідаровіча не было, а прычынай заўчаснай сьмерці стала хвароба сасудаў на нагах. Кроў у кватэры нябожчыка Любоў Сівурава тлумачыць асаблівасьцю хваробы.

«Калі тромб перакрывае вену, то вена недзе лопаецца. Бо гэта вена, у ёй вянозная кроў, яна проста сьвішча. І калі адразу не дапамагчы чалавеку, ён памірае. Пачытайце пра трамбоз і тромбафлебіт глыбокіх венаў — стане зразумела, што пагроза летальнага канца ёсьць заўсёды. І чым вышэй тромб, тым горш. У яго ўся левая нага была сіняя, увесь час ён яе перамотваў. Бінтаваў і прымаў лекі. Да калена яшчэ ня гэтак небясьпечна, а калі раптам яно падымаецца вышэй, то вельмі. У яго была такая форма тромба, калі тромб быў не прырослы, рухомы. І ён пра гэта ведаў».

Сьмерць ад хваробы?


Артыст Ільля Арэстаў кантактаваў з бацькамі Зьмітра Сідаровіча ў нядзелю. Вось што Ільля Арэстаў паведаміў карэспандэнту Свабоды раніцай 19 траўня:

«Трэба пачакаць вынікаў ускрыцьця, толькі тады можна будзе дакладна сказаць, што здарылася. Зразумела, што калі яго знайшлі ў лужыне крыві, загаварылі і пра гвалтоўную сьмерць. Гэтак было спачатку. А потым, як прыехалі зь міліцыі, яны агледзелі, нібыта не было ніякіх пашкоджаньняў, і сказалі, што гэта магло здарыцца зь іншай прычыны — з-за тромба. А крыві, кажуць, было шмат: на стале таксама. Маці сказала, што яму стала дрэнна, ён сядзеў за кампутарам, і там была кроў. А потым, напэўна, дзе ён ні бываў, паўсюль, кажуць, была кроў. Але я там ня быў. Калі я прыйшоў да ягонай хаты, бацькі сыходзілі і пра гэта распавялі. А цела Зьмітра пасьля таго павезьлі на экспэртызу ў Навінкі, дзе робяць экспэртызы. Такім чынам, трэба пачакаць. Але — так, бацькі схіляюцца, што сьмерць адбылася з-за хваробы, з-за тромба».

Ці скардзіўся Зьміцер Сідаровіч на здароўе раней? Паводле Ільлі Арэстава, яму было вядома пра праблемы са здароўем у Зьмітра Сідаровіча, хоць той не любіў пра гэта казаць:

«Так, былі праблемы з тромбамі, зь венамі. І ўжо шмат гадоў. Але ён гэта асабліва не афішаваў. Ведаю, што аднойчы клаўся на апэрацыю, але што дакладна тады яму зрабілі, ня ведаю, бо ён асабліва не распавядаў».

Паказаць камэнтары

XS
SM
MD
LG