Лінкі ўнівэрсальнага доступу

logo-print

Андрэю Гайдукову забаранілі выезд за мяжу


Андрэй Гайдукоў

Андрэй Гайдукоў

Былому палітвязьню Андрэю Гайдукову, які тыдзень таму выйшаў на волю, забаронены выезд за межы краіны на няпэўны час па лініі КДБ.

Пра гэта яму паведамілі 14 траўня ў аддзеле па грамадзянстве і міграцыі Ўпраўленьня ўнутраных спраў па месцы жыхарства. Прычыны ў аддзеле па грамадзянстве і міграцыі Гайдукову не паведамілі, сказалі толькі, што зрабілі запыт, а КДБ адказаў, што выезд з краіны маладому чалавеку забаронены.

У міліцыі Гайдукова паставілі на прафіляктычны ўлік як судзімага (пакуль судзімасьць ня будзе пагашана), а таксама на прафіляктычны нагляд у КДБ; прэвэнтыўнага нагляду ў яго няма.

8 лістапада 2012 года Андрэй Гайдукоў быў затрыманы супрацоўнікамі КДБ і зьмешчаны ў сьледчы ізалятар КДБ. 13 лістапада 2012 году Камітэт дзяржбясьпекі распаўсюдзіў інфармацыю аб спыненьні супрацьпраўнай дзейнасьці грамадзяніна Беларусі, які займаўся зборам і перадачай інфармацыі палітычнага і эканамічнага характару па заданьні замежнай выведкі. У дачыненьні затрыманага была заведзеная крымінальная справа па ч. 1 арт. 356 Крымінальнага кодэксу (здрада дзяржаве ў форме правядзеньня агентурнай дзейнасьці). 1 ліпеня 2013 года Гайдукова асудзілі па крымінальным артыкуле «Спроба ўсталяваньня супрацоўніцтва са спэцслужбамі, органамі бясьпекі або выведвальнымі органамі замежнай дзяржавы» на паўтары гады пазбаўленьня волі.

8 траўня 2014 года Гайдукоў выйшаў на волю.
XS
SM
MD
LG