Выставу пра Майдан у праскім Магістраце адкрыў мэр горада (фота)
Выставу пра Майдан у праскім Магістраце адкрыў мэр горада (фота)
Выстава фотаздымкаў «Сьвятло Майдану» адкрылася сёньня ў Чэхіі. Яе аўтары — чэскія, украінскія і беларускія фатографы. Фотаздымкі распавядаюць пра жыцьцё кіеўскага Майдану і яго герояў.
Радыё Свабода выступіла афіцыйным партнэрам мерапрыемства.
Выстава Андрэя Лобава, Максіма Баландзюха і Францішка Вячоркі адкрылася ў будынку мэрыі Прагі, пад патранатам мэра чэскай сталіцы Томаша Гудэчка, які адным зь першых чэскіх палітыкаў падтрымаў барацьбу ўкраінцаў.
Пад эгідай мэра ў Празе нядаўна адбыўся таксама дабрачынны канцэрт «Падай руку Ўкраіне».
Украінскі хлопчык, якога паранілі падчас падзеяў на Майдане, і які страціў нагу
Франак Вячорка з адным з арганізатараў выставы Расьціславам Пракап'юком
Майдан працягвае жыць сваім жыцьцём, незалежным ад Януковіча ці апазыцыі. Многія стаміліся ад бясконцых бяссонных начэй і спадзяюцца на рашучыя дзеяньні лідэраў. Асноўнае патрабаваньне — адстаўка Януковіча — не выкананае. Арганізаваная самаабарона забясьпечвае парадак і дысцыпліну, а таксама кругласуткава дзяжурыць на барыкадах.
