ПАДЗЕІ ДНЯ
Менск, адкрыцьцё аквапарку «Лебядзіны».
Правядзеньне сэпаратыстамі ва ўсходніх абласьцях Украіны нелегітымных рэфэрэндумаў.
Баку, візыт у Азэрбайджан прэзыдэнта Францыі Франсуа Алянда.
ДЗЕНЬ У ГІСТОРЫІ
1855 – заснаваны Віленскі музэй старажытнасьцяў.
1916 – Альберт Эйнштэйн упершыню публічна прадставіў сваю тэорыю адноснасьці.
1928 – у Нью-Ёрку пачалося рэгулярнае трансьляваньне тэлеперадач.
1955 – у Варшаве пачалася нарада васьмі краінаў сацыялістычнага блёку, якая завяршылася стварэньнем Варшаўскай дамовы.
1994 – у Тураве ўстаноўлены помнік Кірылу Тураўскаму.
2010 – у Вене прайшлі кансультацыі і грамадзкія слуханьні па справаздачы аб ацэнцы ўзьдзеяньня на навакольнае асяродзьдзе будучай беларускай АЭС.
У гэты дзень нарадзіліся:
1586 – Соф’я Алелька-Радзівіл, асьветніца, прылічаная да беларускіх праваслаўных сьвятых.
1833 – Бэнэдыкт Дыбоўскі, беларускі заоляг, прыродазнаўца, лекар.
1883 – Янка Маўр, беларускі пісьменьнік.
1904 – Сальвадор Далі, гішпанскі мастак.
1947 – Раіса Баравікова, беларуская пісьменьніца, перакладчыца.
У гэты дзень памерлі:
1944 – Марат Казей, беларускі партызан. Казей загінуў ва ўзросьце 14 гадоў у баі з нацыстамі, падарваўшы сябе гранатай.
1953 – Гасан Канапацкі, беларускі дзяяч вайсковага і нацыянальнага руху.
1981 – Боб Марлі, ямайскі музыка і кампазытар.
ЦЫТАТА ДНЯ
Не імкніся ісьці ў нагу з часам, ад часу нікуды не падзенесься. Усе мы – што б ні вытваралі – нехаця сучасныя.
Сальвадор Далі