Лінкі ўнівэрсальнага доступу

Здымачную групу тэлеканалу ICTV на адным з блёкпастоў Славянску спынілі сэпаратысты. Яны сканфіскавалі тэхніку і паланілі журналістаў.

Як апавядаюць журналісты, першае аўто здымачнай групы, на якім не было ніякай сымболікі альбо брэндавых знакаў, прапусьцілі праз блёкпост, аднак другую машну абшукалі і знайшлі схаваную тэлевізійную тэхніку і дакумэнты на аўто ад імя ICTV.

«Калі яны даведаліся, што мы журналісты ICTV, пачалі дзейнічаць жорстка. Пасьля фраз кшталту „ўкраінскія журналісты — усё фашысты“, „нарэшце ж вы нам трапіліся“ нашы аргумэнты, што мы толькі хочам зафіксаваць падзеі, былі марнымі», — апавяла УНІАН шэф-рэдактарка Ірына Саломка.

Пад пагрозай расстрэлу журналістаў паставілі ў шэраг. Зь імі размаўляў камандзір групы баевікоў па мянушцы Рысь. Ён загадаў адправіць аўто на штраф-пляцоўку для ператрусу.

«Пачаўся ператрус асабістых рэчаў. Шукалі ў гаманцах, праглядалі фота, відэа, паведамленьні, а калі знаходзілі фота з Майдану, казалі:» За гэтую адну фатаграфію я цябе расстраляў бы!«. Размаўляць зь імі было бесэнсоўна, у адказ мы чулі толькі «вы, майданутыя, ніколі не паставіце Данбас на калені», «вы ўсё прадажныя», — кажа Саломка.

Калі яна паспрабавала растлумачыць баевікам, што яны ня маюць права затрымліваць журналістаў, ёй заклеілі рот скотчам.

У журналістаў канфіскавалі дзьве вялікія камэры, дзьве маленькія ручныя, два ноўтбукі й асабісты фотаапарат рэжысэра. Потым увагу баевікоў прыцягнуў джып, які пад’ехаў да КПП зь сьцягам Украіны на лабавым шкле.

«Мы да гэтага часу ня ведаем, хто быў у той машыне. Кіроўцу надзелі кайданкі, не давалі патэлефанаваць, а потым апранулі на галаву пакет, заматалі галаву скотчам і запіхнулі ў машыну. З нашай тэхнікай яго павезьлі ў памяшканьне захопленага СБУ», — апавядае шэф-рэдактарка ICTV.

«Камандзір патлумачыў: «Мне трапілася буйная рыба. Я б вас арыштаваў, і вам пашанцавала, што вас шмат, а ў мяне ўжо ўсе сутарэньні», — узгадвае журналістка.

Здымачную групу прымусілі сесьці ў аўто і паехаць у процілеглым кірунку. На просьбы журналістаў вярнуць тэхніку сэпаратысты прыгразілі, што будуць страляць па колах, калі тыя неадкладна ня зьедуць.
XS
SM
MD
LG