ПАДЗЕІ ДНЯ
9 траўня – у Беларусі і іншых краінах былога СССР адзначаецца Дзень Перамогі. 9 траўня 1945 году на жаданьне Сталіна Акт капітуляцыі Нямеччыны ў Другой сусьветнай вайне быў паўторна падпісаны ў Бэрліне з удзелам прадстаўнікоў Савецкага Саюзу. З гэтай прычыны Дзень перамогі ў краінах савецкага блёку адзначаўся менавіта 9 траўня, а ня днём раней, як у астатнім сьвеце.
Грамадзянскае шэсьце ў сталіцы вэтэранаў, жыхароў Менску, прадстаўнікоў улады, у тым ліку і Аляксандра Лукашэнкі да плошчы Перамогі. Час правядзеньня – з 10 да 11 гадзінаў.
У Менску адбудуцца канцэрты і масавыя гуляньні, прысьвечаныя Дню Перамогі.
У спартовым комплексе «Менск-Арэна» адбудзецца цырымонія адкрыцьця чэмпіянату сьвету па хакеі. Пачатак у 19.30.
Сёньня адбудуцца матчы чэмпіянату: СК «Чыжоўка-Арэна»: Францыя – Канада (16.45) і Славакія – Чэхія (20.45) , СК «Менск-Арэна»: Швэйцарыя – Расея (16.45) і Беларусь – ЗША (20.45).
Севастопаль, чакаецца візыт прэзыдэнта Расеі Ўладзімера Пуціна ў Крым.
Тыраспаль, віцэ-прэм'ер Расеі Дзьмітры Рагозін наведвае непрызнанае Прыднястроўе.
Талін, візыт генэральнага сакратара НАТО Андэрса Фога Расмунсэна ў Эстонію.
ДЗЕНЬ У ГІСТОРЫІ
1945 – скончылася Другая сусьветная вайна ў Эўропе.
1950 – Дзень Эўропы, устаноўлены на памяць «дэклярацыі Шумана», якую 9 траўня 1950 году агучыў францускі міністар замежных справаў Робэрт Шуман, заклікаючы да шчыльнай эўрапейскай інтэграцыі.
1953 – у Менску выйшаў першы нумар літаратурнага часопіса «Маладосьць».
1994 – Нэльсан Мандэла стаў пешым чарнаскурым прэзыдэнтам Паўднёвай Афрыкі.
У гэты дзень нарадзіліся:
1866 – Леў Бакст, ураджэнец Горадні, парыскі жывапісец і графік, тэатральны мастак.
1883 – Хасэ Артэга-і-Гасэт, гішпанскі філёзаф.
1892 – Міхаіл Мялешка, беларускі гісторык, этнограф, пісьменьнік, публіцыст.
1924 – Булат Акуджава, расейскі бард, паэт, пісьменьнік.
1929 – Людвіг Асецкі, беларускі графік.
1955 – Уладзімер Емяльянчык, беларускі гісторык, выкладчык, паэт.
У гэты дзень памерлі:
1794 – Юзэф Казімер Касакоўскі, рымска-каталіцкі й дзяржаўны дзяяч Рэчы Паспалітай.
1805 – Фрыдрых Шылер, нямецкі паэт і драматург.
1891 – Адам Станіслаў Красінскі, віленскі біскуп, прапаведнік, філёляг, паэт, перакладчык.
ЦЫТАТА ДНЯ
Дурань горш за злыдня, бо злыдзень хоць час ад часу робіць перапынак.
Хасэ Артэга-і-Гасэт
