ПАДЗЕІ ДНЯ
Менск. У Галерэі «Ў» праходзіць выставачна-дыскусыйны праект OFFSIDE. У яго рамках працуюць выставы, дзе мастакі закранаюць розныя аспэкты спорту. Пачатак а 19.00
Менск. У галерэі «Акадэмія» Акадэміі мастацтваў (вул. Сурганава,14) адбудзецца адкрыцьцё экспэрымэнтальнага праекту «Сад», куратарамі якога выступаюць студэнты спэцыяльнасьці «Мастацтвазнаўства». Пачатак а 15.00
Капэнгаген (Данія). Прадстаўнік Беларусі на конкурсе песьні «Эўрабачаньне-2014» сьпявак ТЕО (Юрый Вашчук ) выступіць у другой частцы другога паўфіналу. Наўпроставую трансьляцыю вядуць тэлеканалы «Беларусь 1» і «Беларусь 24».
Тбілісі. Міністар замежных справаў Вялікабрытаніі Ўільям Хэйг заканчвае візыт у Грузію.
ЁСЬЦЬ НАГОДА
Сусьветны дзень Чырвонага Крыжа і Чырвонага Паўмесяца
ДЗЕНЬ У ГІСТОРЫІ
1551 — памерла Барбара Радзівіл, вялікая княгіня літоўская, каралева польская.
1674 — каралём Рэчы Паспалітай і вялікім князем ВКЛ абраны Ян Сабескі.
1880 — памёр францускі пісьменьнік Гюстаў Флябэр
1883 — нарадзіўся Сьцяпан Некрашэвіч, мовазнавец, грамадзка-палітычны дзяяч, прадстаўнік ураду БНР ва Ўкраіне, першы старшыня Інстытуту Беларускай культуры, акадэмік АН Беларусі, аўтар слоўнікаў.
1937 — нарадзіўся Лявон Шыманец, старшыня Згуртаваньня беларусаў Францыі «Хаўрус».
1945 — падпісаны Акт аб капітуляцыі Нямеччыны — скончылася Другая сусьветная вайна ў Эўропе.
1984 — Савецкі Саюз абвясьціў пра байкот Алімпійскіх гульняў у Лос-Анджэлесе, ЗША.
1989 — выйшаў першы нумар польскай газэты «Gazety Wyborczej».
1993 — утворана Таварыства Вольных Літаратараў.
1999 — у Менску камандзір СОБРА Дзьмітры Паўлічэнка вярнуў начальніку турмы Алегу Алкаеву расстрэльны пісталет. У сваім рапарце начальнік крымінальнага вышуку генэрал Мікалай Лапацік выказаў меркаваньне, што з гэтага пісталета быў забіты зьніклы напярэдадні экс-міністар унутраных справаў Юры Захаранка.
ЦЫТАТА НА ПАМЯЦЬ
Патрыятызм вызначаецца мерай сораму, які чалавек адчувае за злачынствы, учыненыя ад імя яго народа.
Адам Міхнік, рэдактар Gazety Wyborczej