Лінкі ўнівэрсальнага доступу

Сяргею Казакову параілі не высоўвацца


Сяргей Казакоў
Сяргей Казакоў

Былы палітвязень распавёў карэспандэнту Свабоды, што яго выпусьцілі зь Ленінскага РУУС. Ён паведаміў падрабязнасьці свайго затрыманьня.

«Прыйшлі дахаты, дасталі з ложка, дазволілі апрануцца — ужо нядрэнна. Давезьлі да бліжэйшага апорнага пункту. Спачатку казалі, што праверка і трэба схадзіць адзначыцца. А потым сказалі, што чакаюць званка адносна мяне. Пазьней сказалі, што павязуць у пастарунак. Я маральна падрыхтаваўся. Але ў іх атрымалася нейкая замінка, ім нехта патэлефанаваў. У выніку яны пакінулі мяне ў спакоі, сказалі, што няма калі мной займацца. І я пайшоў», — распавёў карэспандэнту Свабоды Сяргей Казакоў.

Супрацоўнікі міліцыі адразу сказалі Сяргею, што рыхтуюцца да чэмпіянату па хакеі.

«Сказалі, што я ў іх такі не адзін, ёсьць яшчэ нехта. Казалі, каб я не высоўваўся. Бо за мной будуць пастаянна глядзець, у любы момант пазвоняць, каб прыйшоў, і так далей. Таму давядзецца легчы на дно на гэты месяц», — сказаў Сяргей.
XS
SM
MD
LG