Лінкі ўнівэрсальнага доступу

logo-print

ЗША лічаць Расею адказнай за гвалт ва ўсходняй Ўкраіне


Намесьнік прэсавага сакратара Дзярждэпартамэнту ЗША Мэры Харф (Marie Harf)

Намесьнік прэсавага сакратара Дзярждэпартамэнту ЗША Мэры Харф (Marie Harf)

Дзярждэпартамэнт ЗША высока ацэньвае намаганьні Кіева па прадухіленьні далейшай эскаляцыі і ахвяр сярод мірнага насельніцтва на ўсходзе Ўкраіны «незалежна ад таго, на чыім баку гэтыя грамадзяне».

ЗША таксама вітаюць крокі, прынятыя ўрадам для ўстанаўленьня спакою і для аб’ектыўнага расьсьледаваньня трагічных падзей 2 траўня ў Адэсе.

«Мы аплядуем прэм’ер-міністру Ўкраіны Яцанюку, які зрабіў захады для правядзеньня незалежнага, стараннага расьсьледаваньня», — заявіла на брыфінгу ў Вашынгтоне намесьнік прэсавага сакратара Дзярждэпартамэнту ЗША Мэры Харф.

Яна таксама ўсклала адказнасьць за сутыкненьні, якія працягваюцца на ўсходзе Ўкраіны на расейскі бок:

«Расейскі спэцназ, які перайшоў межы іншай краіны, і які працягвае спробы падарваць сувэрэнітэт гэтай краіны, а таксама прарасейскія сілы чыняць гвалт. Украінскі ўрад прымае неймаверныя намаганьні, каб абараніць сваіх грамадзян», — сказала Харф, якую цытуе «Голас Амэрыкі».

http://www.golos-ameriki.ru/contentlive/ukraine-developments-live/1854761.html#liveblog4503
XS
SM
MD
LG