Лінкі ўнівэрсальнага доступу

Сёньня кіраўнік дзяржавы, сустракаючыся з мітрапалітам Паўлам, заявіў, што царква мае надзвычай высокі рэйтынг даверу ў грамадзтве, але ніжэйшы, чым прэзыдэнт. Але ці сапраўды гэта так?

Афіцыйная і недзяржаўная сацыялёгія даюць розныя адказы на гэтае пытаньне.

На сайце Інфармацыйна-аналітычнага цэнтру пры адміністрацыі прэзыдэнта апошнія дадзеныя пра давер прэзыдэнту, царкве і іншым дзяржаўным і грамадзкім інстытутам датаваныя 2010 годам.

Паводле іх, у чацьвёртым квартале 2010 году прэзыдэнту давяралі 77.5% апытаных, царкве — 72.5%. У чацьвёртым квартале 2009 году кіраўніку дзяржавы, паводле апытаньня ІАЦ, давяралі 77.5% апытаных, царкве — 78%.

Паводле апытаньня сацыялягічнай лябараторыі Новак, у тым жа 2010 годзе суадносіны паміж ўзроўнямі даверу іншыя, паводле Новака, Лукашэнку напачатку 2010 году давяралі 52.9%, праваслаўнай царкве — 79.7%.

Нарэшце, паводле апытаньняў НІСЭПД, праваслаўная царква шмат гадоў зьяўляецца лідэрам грамадзкага даверу, узровень даверу да яе стабільна пераўзыходзіць узровень даверу да кіраўніка дзяржавы.

Паказаць камэнтары

XS
SM
MD
LG