«Нас не запалохаюць. Мы нікому ніколі не дамо дыктаваць Украіне патрабаваньні. Я запэўніваю, што страхам ад нас ніхто нічога не даб’ецца», — сказаў Пётар Парашэнка на прэсавай канфэрэнцыі ў чацьвер у Ужгарадзе, адказваючы на пытаньне, ці ўзмоцненая ягоная ахова ў сувязі з апошнімі падзеямі ва Ўкраіне.
Кандыдат у прэзыдэнты Ўкраіны падкрэсліў, што катэгарычна адмаўляе якія-небудзь перамовы з тэрарыстамі. Ён таксама адзначыў, што на пагрозы кандыдатам у прэзыдэнты «адказ будзе вельмі рашучым». Парашэнка ня мае намеру спыняць свае паездкі і сустрэчы зь людзьмі ў межах выбарчай кампаніі.
Ён пацьвердзіў, што сапраўды была атрыманая інфармацыя пра небясьпеку: «Мы сапраўды атрымалі сур’ёзныя пацьверджаньні гэтай інфармацыі. У нас ёсьць перахоп ад сэпаратыстаў...», — цытуе кандыдата ў прэзыдэнты агенцтва «Інтэрфакс-Украіна».
Кандыдат у прэзыдэнты Ўкраіны падкрэсліў, што катэгарычна адмаўляе якія-небудзь перамовы з тэрарыстамі. Ён таксама адзначыў, што на пагрозы кандыдатам у прэзыдэнты «адказ будзе вельмі рашучым». Парашэнка ня мае намеру спыняць свае паездкі і сустрэчы зь людзьмі ў межах выбарчай кампаніі.
Ён пацьвердзіў, што сапраўды была атрыманая інфармацыя пра небясьпеку: «Мы сапраўды атрымалі сур’ёзныя пацьверджаньні гэтай інфармацыі. У нас ёсьць перахоп ад сэпаратыстаў...», — цытуе кандыдата ў прэзыдэнты агенцтва «Інтэрфакс-Украіна».
