У Маскве трохтысячны мітынг у падтрымку сэпаратыстаў ва Ўкраіне

У Маскве партыя «Справядлівая Расея» праводзіць першамайскую ходу, у якой бяруць удзел ня менш за тры тысячы чалавек.

Удзельнікі акцыі трымаюць плякаты зь лёзунгамі «Славянск, Данецк, Луганск — мы з вамі», «Паўднёвы Ўсход Украіны, мы сваіх не кідаем» і іншыя.

Акцыі да Дня працы ў цэнтры Масквы праводзяць таксама прафзьвязы, палітычныя партыі ЛДПР і камуністы.

Таксама адбудуцца тры акцыі нацыяналістаў, інфармуе расейская служба Радыё Свабода.