Выбарчая камісія патрабуе, каб актывіст партыі «Справядлівы сьвет» Васіль Лапацін кампэнсаваў страты, якія нібыта нанёс дзяржаве, калі ў сакавіку зьняўся з выбараў у Менскі абласны савет.
«Аднак прадстаўнікі ўладаў у суд не зьявіліся», — паведаміў Радыё Свабода актывіст партыі «Справядлівы сьвет» Сяргей Абразоўскі, які прыяжджаў у Крупкі падтрымаць свайго паплечніка.
«Суд адкрыўся. Аднак пазоўнік так у залі і не зьявіўся. Больш за тое, камісія нават не перадала ў суд неабходныя дакумэнты. Хоць павінна была зрабіць гэта не пазьней за 24 сакавіка. У выніку суд вынес рашэньне — адмовіць пазоўніку, які без паважнай прычыны не зьявіўся на паседжаньне.
Вядома, гэта права пазоўніка — ісьці ў суд альбо не. Але, на мой погляд, гэта паказвае і стаўленьне пазоўніка да суду».
Спачатку суд былі прызначылі на 22 красавіка. Але перанесьлі на 28 красавіка, патлумачыўшы гэта тэхнічнымі прычынамі.
Васіль Лапацін пазоў выбарчай камісіі не прызнае і заяўляе, што мусіў зьняцца з выбараў з-за недаверу да выбарчай камісіі і ціску на ягоную ініцыятыўную групу. На гэтых выбарах кандыдаты ў дэпутаты не атрымлівалі дзяржаўных грошай на друк сваіх улётак. Грошы пераводзіліся на адрас акруговых камісіяў, якія рыхтавалі агульную ўлётку на ўсіх кандыдатаў сваёй акругі. Крупская камісія ацаніла свае страты ў 2 мільёны 800 тысяч рублёў.
«Аднак прадстаўнікі ўладаў у суд не зьявіліся», — паведаміў Радыё Свабода актывіст партыі «Справядлівы сьвет» Сяргей Абразоўскі, які прыяжджаў у Крупкі падтрымаць свайго паплечніка.
«Суд адкрыўся. Аднак пазоўнік так у залі і не зьявіўся. Больш за тое, камісія нават не перадала ў суд неабходныя дакумэнты. Хоць павінна была зрабіць гэта не пазьней за 24 сакавіка. У выніку суд вынес рашэньне — адмовіць пазоўніку, які без паважнай прычыны не зьявіўся на паседжаньне.
Вядома, гэта права пазоўніка — ісьці ў суд альбо не. Але, на мой погляд, гэта паказвае і стаўленьне пазоўніка да суду».
Спачатку суд былі прызначылі на 22 красавіка. Але перанесьлі на 28 красавіка, патлумачыўшы гэта тэхнічнымі прычынамі.
Васіль Лапацін пазоў выбарчай камісіі не прызнае і заяўляе, што мусіў зьняцца з выбараў з-за недаверу да выбарчай камісіі і ціску на ягоную ініцыятыўную групу. На гэтых выбарах кандыдаты ў дэпутаты не атрымлівалі дзяржаўных грошай на друк сваіх улётак. Грошы пераводзіліся на адрас акруговых камісіяў, якія рыхтавалі агульную ўлётку на ўсіх кандыдатаў сваёй акругі. Крупская камісія ацаніла свае страты ў 2 мільёны 800 тысяч рублёў.
