Лінкі ўнівэрсальнага доступу

Дзьвюхгаловая нажыўка. Эфір з Аленай Ціхановіч ад 18.00


У консульскім аддзеле пасольства Расеі ў Менску пацьвердзілі, што ўжо адказваюць на званкі грамадзянаў Беларусі адносна атрыманьня грамадзянства Расеі.

Ці можа пачацца ў Крыме партызанская вайна? На пытаньні адкажа госьць Свабоды – Мустафа Джамілёў, адзін зь лідэраў крымскататарскага нацыянальнага руху, якому расейцы забаранілі ўезд у Крым.

Слухач Свабоды з Харкава Аляксандр Кузьменка разважае пра тое, чым падобныя ўсходняя Ўкраіна і Беларусь. Украінскі гісторык Кузьменка, які выдатна гаворыць па-беларуску, прывядзе прыклады некаторых мясцовых словаў, паводле разуменьня якіх, як па паролях, адрозьніваюць мясцовых і немясцовых. Вы даведаецеся, што азначае адно з такіх словаў – гандэлак.

Ні дня без пасадкі дырэктара. Сёньня пра тое, чым правініўся былы генэральны дырэктар бабруйскага акцыянэрнага таварыства «Фандок» Уладзімер Майко.

Андрэй Герашчанка, старшыня грамадзкага аб’яднаньня «Рускі дом», якога Аляксандар Лукашэнка ўчора (праўда, ня згадваючы прозьвішча) назваў дывэрсантам, лічыць, што «адбылася памылка» і прэзыдэнту падалі ня тую інфармацыю.

Vox populi: як вы зразумелі развагі Лукашэнкі пра моўны выбар для беларусаў?

Тэлефануйце ў жывы эфір: +375 29 6514204 (Вэлком),

або ў любы час на аўтаадказьнік у Менску +375 172 663952.

Адрас нашага аўтаадказьніка ў SKYPE: svabodaradio.
  • 16x9 Image

    Алена Ціхановіч

    Родам з Койданава, ці Дзяржынску. У раньнія 90-я пачала супрацоўніць са «Свабодай», вэтэраны якой абралі яе пазьней «голасам радыё».

XS
SM
MD
LG