Лінкі ўнівэрсальнага доступу

Дзярждума прыраўняла блогераў да СМІ


Блогеры, чыя аўдыторыя складае больш за тры тысячы чалавек у суткі, павінны выконваць тыя ж патрабаваньні, што і зарэгістраваныя сродкі масавай інфармацыі.

Гэта вынікае з прынятага Дзярждумай Расеі закону, які рэгулюе парадак абмену інфармацыяй у інтэрнэце.

Цяпер блогеры мусяць спраўджваць дакладнасьць інфармацыі і не разьмяшчаць матэрыялы, якія ўлады могуць палічыць экстрэмісцкімі.

Караць блогераў будуць за раскрыцьцё дзяржаўнай таямніцы, заклікі да тэрарызму, прапаганду «парнаграфіі, культу гвалту і жорсткасьці».

Закон таксама абавязвае блогера разьмясьціць на сваім сайце прозьвішча з ініцыяламі ды электронны адрас для накіраваньня юрыдычных заўваг.

За парушэньне закону блогераў будуць караць штрафамі.

Крытыкі законапраекту лічаць, што гэта спроба паставіць папулярныя блогі пад палітычны кантроль дзяржавы.
XS
SM
MD
LG