Лінкі ўнівэрсальнага доступу

Аляксандар Лукашэнка
Аляксандар Лукашэнка

Лукашэнка зьвярнуўся з пасланьнем

Кіраўнік Беларусі Аляксандар Лукашэнка зьвярнуўся са штогадовым пасланьнем да Нацыянальнага сходу і беларускага народу.



15:47 22.4.2014
Станіслаў Багданкевіч — экс-старшыня праўленьня Нацыянальнага банку Беларусі камэнтуе выказваньні Аляксандра Лукашэнкі пра тое, што рэзкай дэвальвацыі рубля ня будзе:

«У ягоных словах ёсьць элемэнты паўпраўды. Насамрэч ў студзені мінулага году курс даляра быў 8570 рублёў, цяпер ён ужо 10 тысяч. То бок рэальная дэвальвацыя прыкладна 12%, а ня 5%, як ён казаў. Гэта і ёсьць паўпраўда.

Калі ўрад і Лукашэнка будуць працаваць і атрымаюць крэдыты з Расеі ў памеры 2 мільярды даляраў, як некалі было абяцана, і плюс яшчэ 440 мільёнаў з Антыкрызіснага фонду, то дэвальвацыя сапраўды будзе плаўнай і будзе курс і надалей паступова паніжацца. А тое, што закладзена ў плянах улады на гэты год (9800 рублёў за даляр), ужо пераплюнута.

Калі ж з-за мяжы такіх рэсурсаў для папаўненьня ЗВР ня будзе, то дэвальвацыя можа быць абвальнай».
15:25 22.4.2014


15:08 22.4.2014
Лукашэнка: Навошта есьці бульбу зь мясам?
пачакайце

No media source currently available

0:00 0:00:38 0:00
14:45 22.4.2014

Павал Вусаў, палітоляг: Для Лукашэнкі страта незалежнасьці — страта пэрсанальнай улады


«Аляксандар Лукашэнка на дзіва даволі добра акрэсьліў сытуацыю па Ўкраіне. Ён падкрэсьліў, што Пуцін мае нейкія прэтэнзіі наконт тэрыторый, абгрунтоўваючы гэта тым, што Ўкраіна не сфармавалася як дзяржава. І Лукашэнка яму супярэчыў. Сказаў, што Ўкраіна стварылася на парэштках савецкай імпэрыі і таксама падчас распаду Расейскай імпэрыі, таму нельга такім чынам падыходзіць да Ўкраіну. Па сутнасьці, кажучы пра некаторыя працэсы фармаваньня ўкраінскай дзяржавы, ён супярэчыў таму, што выказаў Пуцін у сваіх размовах з расейскім народам на мінулым тыдні.

Відаць, што Лукашэнка вельмі моцна баіцца такога падыходу да дзяржаўнага сувэрэнітэту, які фармуецца зараз у Маскве. Гэты падыход грунтуецца на сьцьверджаньні, што Ўкраіна і іншыя постсавецкія дзяржавы былі штучна збудаваныя, і ня маюць для дзяржаўнасьці гістарычных, палітычных і этнічных каранёў. Для Лукашэнкі, як і для іншых постсавецкіх кіраўнікоў, гэта сапраўды праблема, бо да кожнай з постсавецкіх дзяржаваў Расея можа высунуць такія прэтэнзіі аб штучным фармаваньні.

А для Лукашэнкі страціць незалежнасьць — гэта страціць сваю пэрсанальную ўладу.
Таму ён неаднаразова падкрэсьліваў, што хто б не ўвайшоў у Беларусь, ён са сваімі генэраламі будзе змагацца са зброяй у руках супраць агрэсараў. Таксама ён эмацыйна і крытычна выказаўся пра тое, што Ўкраіна сама вінаватая ў тым, што сілай не змагла абараніць свой сувэрэнітэт. Гэта ён падкрэсьліў некалькі разоў, што таксама сьведчыць пра той моцны ўнутраны непакой тым падыходам, які зараз выкарыстоўвае Расея.

Хаця мы ўсе добра разумеем, што калі Расея будзе выкарыстоўваць нейкія агрэсіўныя мэтады ў Беларусі, у нас няма ніякіх рэсурсаў для таго, каб абараняць сувэрэнітэт.

Найхутчэй усе пасланьні Лукашэнкі, якія мы сёньня чулі, скіраваныя на ўнутранага спажыўца: «Лукашэнка застаецца гарантам незалежнасьці і будзе гэтую незалежнасьць бараніць». Хаця гэтыя заявы ня маюць нічога супольнага з рэальнасьцю. Тое, што ён сказаў, што не вядома за каго будуць ваяваць рускія, калі Пуцін увойдзе ў Беларусь, гэта таксама разьлічана на ўнутранага спажыўца, а не на зьнешняга, бо расейская прысутнасьць у Беларусі абсалютна відавочная".
14:40 22.4.2014
Лукашэнка даў параду, як рыхтаваць стравы нацыянальнай кухні: «Дранік – павінен быць не сабачым языком. Дранік трэба ўзяць, каб не апускаўся, як у сабакі язык»
14:14 22.4.2014
У аршанскай дэпутаткі Лукашэнка запытаўся, чаму ў рэгіёне «разьвялі карупцыю»?

Жартам прыгразіў, што дасьць Аляксандру Шакуціну (кіраўнік «Амкадору» -- Радыё Свабода) танк, каб той змагаўся з карупцыяй на Аршаншчыне.

Пасьля Лукашэнка прызнаўся, што жартуе. Пры гэтым ён выказаў засьцярогу, што аршанцы пачнуць фармаваць атрады самаабароны, каб супрацьстаяць Шакуціну на танку.
14:12 22.4.2014
Лукашэнка: Дэвальвацыю не плянавалі і не плянуем рабіць так, як гэта было ў Казахстане.

Ён запэўніў, што абвальнай дэвальвацыі ў Беларусі ня будзе, а будзе плянаванае абясцэньваньня нацыянальнай валюты.

Лукашэнка кажа, што да канца году дадасца 5-6 адсоткаў дэвальвацыі

«Дэвальвацыя ў галовах нашай пятай калёны, былых банкіраў, якія любяць пра гэта разважаць», -- назваў прычыну дэвальвацыйных чаканьняў Лукашэнка.
14:05 22.4.2014
Народ ва Ўкріне «адурманены», і, верагодна «Майданам яшчэ адным не абыйдзецца».
14:03 22.4.2014
Лукашэнка кажа, ні Захад, ні Расея ня ведаюць, чаго яны хочуць ва Ўкраіне.

Ён не выключыў, што Расея наўмысна заварвае гэты канфлікт.

Пасьля ён запэўніў: «Ва ўсіх складаных сытуацыях мы будзем з Расеяй».

«Калі сюды прыйдзе Пуцін, невядома на якім баку будуць ваяваць расейцы», -- заявіў Лукашэнка.

Лукашэнка згадаў «нацмэнаў». Сказаў, што яны правакатары.

Лукашэнка сказаў, што нікому не аддасьць расейскую мову.

Лукашэнка кажа, што людзі, якія гавораць пра прыгнячэньне расейскай мовы -- «гэта дывэрсанты».

Лукашэнка паўтарыў, што загадаў КДБ разьбірацца з такімі людзьмі адпаведным чынам.

Прамоўца кажа, што ён ніколі не быў «туалетнай паперай», што ён «яйка» свайго народу, і што беларускаму народу «сорамна за яго ня будзе».
13:54 22.4.2014
Лукашэнка прыгадаў, як падпісваўся Будапэскі мэмарандум, паводле якога Беларусі, Украіне і Казахстану гарантаваліся недатыкальнасьць межаў наўзамен на вывад ядзернай зброі.

«Ядзерная зброя — самы галоўны фактар незалежнасьці дзяржавы».

Лукашэнка чарговым разам зьвінаваціў Захад і ЗША ў падвоеных стандартах. Бо, маўляў, краіны, якія гарантавалі недатыкальнасьць межаў і адсутнасьць эканамічнага ціску, уводзяць санкцыі супраць Беларусі.

Лукашэнка прызнае легітымнасьць Вярхоўнай Рады.

«Там ёсьць нашыя інтарэсы. А дзеля інтарэсаў можна размаўляць нават з чортам», — акрэсьліў сваю пазыцыю Лукашэнка.

Ён таксама прывёў у прыклаў Кіргізстан, дзе таксама было паўстаньне, дзе Бакіева скінулі, а цяпер сядзяць за сталом з новым прэзыдэнтам.

Зьвяртаючыся да Ўкраіны, Лукашэнка зьвінаваціў суседнюю краіну ў тым, што яна не змагалася за Крым. Кіраўнік Беларусі запэўніў, што ён і ягоная атачэньне першымі пойдуць абараняць Беларусь.

Лукашэнка кажа, што дэ-факта Крым зьяўляецца расейскай тэрыторыяй. Пры гэтым ён кажа, што у Расеі не было іншага выйсьця, як абараняць расейскамоўнае насельніцтва.
13:45 22.4.2014
Лукашэнка адказаў на пытаньне пра далейшы лёс Украіны.

Лукашэнка прызнаўся, што на пэўным этапе маўчаў, «бо не было іншага выйсьця».

Адказваючы на гэта пытаньне, Лукашэнка бадай што ўпершыню згадаў пра беларускую апазыцыю і «пятую калёну», якая крытыкавала яго за тое, што маўчаў.

Лукашэнка падзяліўся ўражаньнямі ад камунікацыі з выконваючым абавязкі прэзыдэнта Аляксандрам Турчынавым.

Турчынаў Лукашэнку спадабаўся.

Лукашэнка пераказаў некаторыя моманты ад перамоваў з Турчынавым. Ён пераканаў, што на беларускай мяжы расейскія войскі не стаяць. Маўляў, калі нехта зь Беларусі і прыедзе ў Кіеў, то гэта будзе Лукашэнка на трактары і з плугам.

Лукашэнка ня верыць, што Ўкраіна стане сябрам НАТО і што войскі альянсу ўвойдуць на тэрыторыю гэтай краіны.

Кажа, што НАТО «баіцца сунуцца», бо трэба будзе супрацьстаяць Расеі і Беларусі.

Лукашэнка кажа, што Расеі не падабаецца ягоная пазыцыя, што ён супраць фэдэралізацыі Ўкраіны.

Лукашэнка назваў цынізмам сьцьверджаньні пра тое, што такой дзяржавы як Украіны раней не было.
13:33 22.4.2014
Лукашэнка прызнаўся, што яму прапаноўвалі пасярэдніцтва ў вырашэньні ўкраінскага крызісу.

Ён кажа, што такое пасярэдніцтва Беларусі не патрэбна.
13:28 22.4.2014
Лукашэнка кажа, што беларускі народ «больш за іншыя» прыхільна ставіцца да інтэграцыі на постсавецкай прасторы.

«Я некалі казаў, што наступяць часы, калі без Кітая ня змогуць вырашыць ніводную праблему. І гэты час настаў».

«Будзем выбудоўваць стасункі з краінамі Эўразьвязу і ЗША»

Лукашэнка спадзяецца нармалізаваць стасункі з ЗША і «адкрыць новыя далягляды» у стасунках.

Ён кажа, што краіны Азіі застаюцца зьнешнепалітычным прыярытэрам

Беларусь таксама прыглядаецца да краінаў Афрыкі. Пры гэтым Лукашэнка адзначыў, што «нам шмат ня трэба».
13:19 22.4.2014

Яраслаў Раманчук: Шапіра ўваходзіць у кола тых людзей, зь якіх будуць абіраць новага прэм’ера


Аналітыкі зьвярнулі ўвагу — Аляксандар Лукашэнка, крытыкуючы прэм’ера Міхаіла Мясьніковіча, затым раз за разам зьвяртаўся да кіраўніка Менскага аблвыканкаму Сямёна Шапіры. «Ці магчыма, што менавіта спадар Шапіра стане новым кіраўніком ураду?» — з гэтым пытаньнем Свабода зьвярнулася да кіраўніка Фонду Мізэса Яраслава Раманчука.

«Гэта можа быць такое, што называюць „дражніць гусей“. То бок прынізіць Мясьніковіча і паказаць — вось гэты чалавек можа быць наступным. Шапіра ўваходзіць у кола тых людзей, зь якіх будуць абіраць новага прэм’ера. Але калі так здарыцца, то гэта будзе той жа самы адміністратыўны рэсурс, тая ж самая плянавая эканоміка, ніякіх сур’ёзных рэформаў. Гэта будзе той жа самы шлях, якім Беларусь ужо ідзе шмат гадоў.

І калі хутка адбудзецца прызначэньне Шапіры, то, на мой погляд, гэта будзе азначаць, што Лукашэнка яшчэ канчаткова ня вызначыўся з чалавекам, зь якім ён будзе працаваць пасьля выбараў 2015 году».
Яраслаў Раманчук
Яраслаў Раманчук
13:14 22.4.2014
Лукашэнка пераключыўся на падрыхтоўку да Чэмпіянату сьвету па хакеі.

Загадаў, каб усе турыстам усьміхаліся.

Папярэджвае, што людзі прыедуць ня толькі, каб паглядзець спаборніцтва, але і «пакалупацца», «пашукаць бруду».

Разам тым Лукашэнка паабяцаў, што ўлады ня будуць абмяжоўваць працу журналістаў у часе чэмпіянату.
13:10 22.4.2014
«Мы жрэм абы што! Ну навошта есьці мяса з бульбай! Зьеш з бульбу зь селядцом!»

Лукашэнка наракае, што ўсе толькі гавораць пра разьмежаванае харчаваньне, але ніхто гэта не робіць.

Лукашэнка загадвае чыноўнікам «бегаць за Кісялём», які ў свае 60 знаходзіцца паводле выступоўцы, у добрай фізычнай форме.
13:09 22.4.2014

Глеб Лабадзенка, вядоўца курсаў «Мова нанова»: «Словы прэзыдэнта — дадатковы аргумэнт у абарону мовы»


«У той частцы заявы Аляксандра Лукашэнкі, якая датычыць беларускай мовы, я зь ім цалкам згодны. Калі мы страцім беларускую мову, мы перастанем быць нацыяй.

Я ня цешу сябе ілюзіяй, што пасьля заяваў Аляксандра Лукашэнкі ў нас пачнецца шырокая беларусізацыя. Але я вельмі рады, што ён гэта прамовіў. Бо для многіх вэртыкальшчыкаў, якія самі баяцца крок ступіць, ягоныя словы могуць стаць сыгналам, каб менш душыць, недзе нешта дазволіць, на нешта вочы заплюшчыць.

Увогуле, любыя словы, якія накіраваныя на падтрымку беларускай мовы, я ўспрымаю зь вялікім аптымізмам — ідуць яны ад Лукашэнкі ці ад некага зь незалежнага боку. Як ні круці, для пэўнай часткі грамадзтва прэзыдэнт — непасрэдны начальнік, якога яны ва ўсім слухаюць. Тое, што потым усім чыноўнікам можна паказаць ягоную цытату і сказаць: «Вось прэзыдэнт кажа, што нельга душыць беларускую мову», — гэта дадатковы аргумэнт у нашых руках.
Глеб Лабадзенка
Глеб Лабадзенка
13:04 22.4.2014
Лукашэнка згадаў Барака Абаму, які праводзіць рэформу сфэры аховы здароўя ў ЗША.

Лукашэнка паведаміў, што ў ЗША 50-80 мільёнаў паміраюць пад плотам.

Ён кажа, што «не павінен чалавек паміраць пад плотам, калі ў яго няма страхоўкі».

Лукашэнка кажа, што мэдыцыя застаецца бясплатнай, але будзе разьвівацца і страхавая.

Паабяцаў, што хутка падпіша адпаведны загад.

Лукашэнка загадаў Тозіку не пугаць народ заявамі, што за наведваньне паліклінікі трэба будзе плаціць.

На гэтых словах камэра БТ паказана віцэ-прэм’ера Анатоля Тозіка, які ўсьміхаўся.

Сказаў, што плаціць людзі будуць ня ўсе. Маўляў, толькі заможныя будуць плаціць — «патрэбная дыфэрэнцыяцыя»

«Давайце здымаць пену там, дзе яна ўжо ёсьць!» — заклікаў кіраўнік дзяржавы
13:03 22.4.2014
Пра адукацыю: «Трэба карэкціроўка. Не рэформа! Супакою ўвесь народ — ніякіх рэформаў ня будзе. Хоць у кагосьці там сьвярбіць...»

Лукашэнка сказаў, што будзе рабіцца акцэнт на тэхнічную адукацыю.
13:02 22.4.2014
Пераключыўся на праблемы ЖКГ: «Там хламу наварочана, што болей не прыдумаеш»

«На ЖКГ скідваюць усё дахляціну», зявіў Лукашэнка і патлумачыў, што ён мае на ўвазе стратныя прадпрыемствы — «Іх перадаюць на балянс ЖКГ, яны там целяпаюцца».

Лукашэнка зноў прыгразіў наступствамі ўраду і кіраўнікам абласных адміністрацыяў за стан у ЖКГ.

Загрузіць яшчэ

XS
SM
MD
LG