Лінкі ўнівэрсальнага доступу

Ужо сёньня, 21 красавіка: Велікодны панядзелак, дзень народзінаў Лізаветы II


Падзеі і даты гэтага дня ў Беларусі, сьвеце, гісторыі.

Вернікі-хрысьціяне адзначаюць Велікодны (альбо Сьветлы ці Палівальны) панядзелак.

Менск — у Рэспубліканскім тэатры беларускай драматургіі (вул. Крапоткіна, 44) — спэктакль Славаміра Мрожака «Эмігранты»

Кіеў — пачатак візыту віцэ-прэзыдэнта ЗША Джо Байдэна ва Ўкраіну.
Гэты дзень у гісторыі

1597 — пакараны сьмерцю Севярын Налівайка. Правадыр казацкага паўстаньня Налівайка сабраў пад сваім кіраўніцтвам вялізнае войска, аднак быў выгнаны ўрадавымі сіламі з Украіны на тэрыторыю Беларусі і там распачаў сапраўдную вайну. Паўстанцы захапілі Слуцак, Магілёў, Пінск ды іншыя гарады, аднак урэшце і тут вайна была спыненая, Налівайка схоплены і пакараны сьмерцю.

1833 — у вёсцы Мастаўляны на Беласточчыне нарадзіўся Віктар Каліноўскі, гісторык, археограф, бібліяфіл, удзельнік беларускага вызвольнага руху, родны брат Кастуся Каліноўскага.

1919 — войскі генэрала Жалігоўскага авалодалі Вільняй. У выніку спыніла сваё існаваньне марыянэткавая Беларуска-Літоўская савецкая рэспубліка, бальшавікі мусілі ўцякаць, а Вільня разам з усёй Заходняй Беларусяй на 20 гадоў апынулася ў складзе Польшчы.

У гэты дзень нарадзіліся

1833 — Віктар Отан Каліноўскі, гісторык, археограф, бібліяфіл, удзельнік нацыянальна-вызвольнага руху; брат Кастуся Каліноўскага.

1903 — Мікола Аляхновіч, беларускі літаратурны крытык.

1926 — Лізавета II, з 1952 г. Каралева Вялікай Брытаніі.

У гэты дзень памерлі

1910 — Марк Твэн, амэрыканскі пісьменьнік

1923 — Ігнат Канчэўскі (Абдзіраловіч), беларускі паэт, філёзаф і публіцыст.

1996 — Джахар Дудаеў, першы прэзыдэнт самаабвешчанай Чачэнскай Рэспублікі Ічкерыя.

2007 — Гай Пікарда, ангельскі беларусіст (нар. 1931).
Цытата на памяць

Даўгія вякі беларусы стаялі на раздарожжы: адзін шлях кіраваўся на захад, другі на ўсход; так нашыя сьцежкі, пачынаючыся разам, расходзіліся ў розныя, праціўныя бакі.

Ігнат Канчэўскі (Абдзіраловіч)
XS
SM
MD
LG