Лінкі ўнівэрсальнага доступу

logo-print

Ужо сёньня, 20 красавіка: Вялікдзень у праваслаўных і каталікоў, дзень памяці Сяргея Палуяна


Падзеі гэтага дня ў Беларусі, сьвеце, гісторыі.

ПАДЗЕІ ДНЯ

Вялікдзень у праваслаўных і каталікоў

У паб-клюбе «Графіці» прэзэнтацыя зборніка і канцэрт праекта «Паэты жывуць у песьнях». Вядучы — Франак Вячорка. Удзельнічаюць: Сяргей Башлыкевіч, «Нельга забыць», «Сон-трава», Фёдар «Дарафей» Жывалеўскі. Пачатак у 19.00.

Магілёў. У клюбе «Куба» канцэрт Akute i Паліны Рэспублікі. Пачатак у 17.30.
ДЗЕНЬ У ГІСТОРЫІ

1653 — Олівэр Кромвэль разагнаў апазыцыю ў брытанскім парлямэнце.

1917 — у Менску адбыўся першы зьезд ваенных і рабочых дэпутатаў арміі і тылу Заходняга фронту.

1922 — савецкі ўрад утварыў Паўднёва-Асэтынскую аўтаномную вобласьць на тэрыторыі Грузіі. Сталіцай стаў горад Цхінвалі.

1923 — Вацлаў Ластоўскі падаў у адстаўку з пасады прэм’ер-міністра БНР.

1960 — пачала трансьляцыі Віцебская студыя тэлебачаньня.

1968 — Deep Purple упершыню выступілі з канцэртам.

1972 — амэрыканскі карабель Апола-16, якім камандаваў Джон Янг, сеў на Месяцы.

2005 — дацкая грамадзкая арганізацыя «Эўрапейскі рух» назвала чалавекам году беларускага палітвязьня Міхаіла Марыніча.

У гэты дзень нарадзіліся:

570 — Мухамад, прарок, аўтар Карану.

1808 — Напалеон ІІІ, францускі імпэратар (1852-1871).

1834 — Юзаф Жылінскі, беларускі геадэзіст, дасьледчык Палесься.

1889 — Адольф Гітлер, кіраўнік Нямеччыны (1933-1945), ідэоляг нацызму.

У гэты дзень памерлі:

1910 — у веку 19 гадоў Сяргей Палуян, беларускі публіцыст, празаік, літаратуразнавец. Свой адзіны зборнік «Вянок» яму прысьвяціў Максім Багдановіч, пазначыўшы, што гэта вянок на магілу Сяргея Палуяна.
ЦЫТАТА НА ПАМЯЦЬ

«Гісторыя Нямеччыны — гэта зьлепак ў нейкай ступені гісторыі Беларусі на пэўных этапах. У свой час Нямеччына была паднятая з руінаў, дзякуючы вельмі жорсткай уладзе вядомым Адольфам Гітлерам... Ня ўсё толькі дрэннае было зьвязана ў Нямеччыне зь вядомым Адольфам Гітлерам. Нямецкі парадак фармаваўся стагоддзямі, пры Гітлеры гэтае фармаваньне дасягнула найвышэйшай кропкі. Гэта тое, што адпавядае нашаму разуменьню прэзыдэнцкай рэспублікі і ролі ў ёй прэзыдэнта... Гітлер сфармаваў магутную Нямеччыну дзякуючы моцнай прэзыдэнцкай уладзе... Нямеччына ўзьнялася дзякуючы моцнай уладзе, дзякуючы таму, што ўся нацыя здолела кансалідавацца і аб’яднацца вакол моцнага лідэра... Кіраўнік дзяржавы — прэзыдэнт, яго аўтарытэт, яго вядучая роля выходзяць на гэтым этапе на першае месца ... Гэтаму вучыць нас нямецкая гісторыя».

Аляксандар Лукашэнка, інтэрвію нямецкай газэце «Handelsblatt»

Ваша меркаваньне

Паказаць камэнтары

XS
SM
MD
LG