Фэстываль адбыўся ў горадзе Торуні. Ён зьяўляецца месцам сустрэчы знаных рэпартэраў, рэжысэраў, драматургаў, якія ствараюць рэпартажы, дакумэнтальныя фільмы і тэатральныя спэктаклі на падставе сапраўдных падзеяў. Сёлетняя імпрэза адбывалася пад лёзунгам «25 гадоў свабоды». Таму асаблівае месца ў праграме фэстывалю займалі рэпартажы і фільмы пра падзеі ад пачатку «Салідарнасьці» праз выбары першага некамуністычнага ўраду ў Польшчы, падзеньне Бэрлінскага муру і аж да апошніх падзеяў ва Ўкраіне.
На конкурс былі прадстаўленыя 107 прац з усіх каналаў Польскага грамадзкага тэлебачаньня — Польскай тэлевізіі. Папярэдняе журы выбрала зь іх 36 рэпартажаў і фільмаў для ўдзелу ў фінале. Яны былі паказаныя ў Торуні. Журы на чале з выбітнай польскай кінадакумэнталісткай Марыяй Эльжбэтай Змарз-Качановіч і прысудзіла галоўны прыз белсатаўскаму фільму. Гэтая сэнсацыя фэстывалю была горача падтрыманая публікай і польскімі творцамі на цырымоніі закрыцьця фэстывалю. Бурнымі авацыямі заля вітала рэжысэраў Вячаслава Ракіцкага і Андрэя Куцілу, іх ляўрэацкія прамовы.
«Гэта вельмі важная і прынцыповая перамога і для нас з Андрэем, і для тэлеканалу „Белсат“, — сказаў Радыё Свабода Вячаслаў Ракіцкі. — Па-першае, яна атрыманая ў канкурэнцыі з творцамі вельмі аўтарытэтнага ў сьвеце польскага дакумэнтальнага кіно. Па-другое, яна засьведчыла высокі ўзровень кінадакумэнталістыкі каналу „Белсат“. Па-трэцяе — гэтая прэмія даказвае, што ў Беларусі насуперак волі рэжыму жыве і разьвіваецца дакумэнтальнае кіно без цэнзуры, якое адлюстроўвае сучасную беларускую рэальнасьць для наступных пакаленьняў. І самае галоўнае — гэтая прэмія яшчэ і факт салідарнасьці польскіх творцаў зь беларускімі палітвязьнямі».
Узнагарода на фэстывалі «Мастацтва факту» ў польскім горадзе Торунь стала першай для фільма «Каханьне па-беларуску». У яго аснове — гісторыя пераможнага каханьня праз турэмныя краты юных змагароў за свабоду Беларусі Насты і Зьмітра Дашкевічаў. Прэм’ера фільма адбылася на «Белсаце» напярэдадні Калядаў — 24 сьнежня 2013 году. Стужка ўжо дэманстравалася і на некаторых іншых каналах Польскай тэлевізіі. «Белсат» таксама плянуе прадставіць фільм на адборачныя конкурсы шэрагу міжнародных фэстываляў.
На конкурс былі прадстаўленыя 107 прац з усіх каналаў Польскага грамадзкага тэлебачаньня — Польскай тэлевізіі. Папярэдняе журы выбрала зь іх 36 рэпартажаў і фільмаў для ўдзелу ў фінале. Яны былі паказаныя ў Торуні. Журы на чале з выбітнай польскай кінадакумэнталісткай Марыяй Эльжбэтай Змарз-Качановіч і прысудзіла галоўны прыз белсатаўскаму фільму. Гэтая сэнсацыя фэстывалю была горача падтрыманая публікай і польскімі творцамі на цырымоніі закрыцьця фэстывалю. Бурнымі авацыямі заля вітала рэжысэраў Вячаслава Ракіцкага і Андрэя Куцілу, іх ляўрэацкія прамовы.
«Гэта вельмі важная і прынцыповая перамога і для нас з Андрэем, і для тэлеканалу „Белсат“, — сказаў Радыё Свабода Вячаслаў Ракіцкі. — Па-першае, яна атрыманая ў канкурэнцыі з творцамі вельмі аўтарытэтнага ў сьвеце польскага дакумэнтальнага кіно. Па-другое, яна засьведчыла высокі ўзровень кінадакумэнталістыкі каналу „Белсат“. Па-трэцяе — гэтая прэмія даказвае, што ў Беларусі насуперак волі рэжыму жыве і разьвіваецца дакумэнтальнае кіно без цэнзуры, якое адлюстроўвае сучасную беларускую рэальнасьць для наступных пакаленьняў. І самае галоўнае — гэтая прэмія яшчэ і факт салідарнасьці польскіх творцаў зь беларускімі палітвязьнямі».
Узнагарода на фэстывалі «Мастацтва факту» ў польскім горадзе Торунь стала першай для фільма «Каханьне па-беларуску». У яго аснове — гісторыя пераможнага каханьня праз турэмныя краты юных змагароў за свабоду Беларусі Насты і Зьмітра Дашкевічаў. Прэм’ера фільма адбылася на «Белсаце» напярэдадні Калядаў — 24 сьнежня 2013 году. Стужка ўжо дэманстравалася і на некаторых іншых каналах Польскай тэлевізіі. «Белсат» таксама плянуе прадставіць фільм на адборачныя конкурсы шэрагу міжнародных фэстываляў.
