Лінкі ўнівэрсальнага доступу

25 траўня можа адбыцца рэфэрэндум па пытаньні ўнітарнасьці Ўкраіны


Старшыня Вярхоўнай Рады Ўкраіны Аляксандр Турчынаў не выключае, што ў выпадку прыняцьця парлямэнтам адпаведнага рашэньня, разам з прэзыдэнцкімі выбарамі можа быць праведзены рэфэрэндум адносна ўнітарнасьці Ўкраіны.

Як перадае інфармацыйнае агенцтва УНІАН, пра гэта Турчынаў сказаў на пасяджэньні Пагаджальнай рады лідэраў фракцый і старшыняў камітэтаў парлямэнта.

Ён адзначыў:

«Мы ня супраць таго, каб праводзіўся рэфэрэндум. Больш за тое, я перакананы, што пераважная большасьць украінцаў на гэтым рэфэрэндуме, які можа, калі парлямэнт прыме адпаведнае рашэньне, адбыцца разам з прэзыдэнцкімі выбарамі, пераважная большасьць украінцаў выкажацца за непадзельную незалежную дэмакратычную і ўнітарную Ўкраіну».

Турчынаў перакананы, што сёньня ўкраінцы гатовыя «даць адпор агрэсару, які робіць замах на нашу тэрытарыяльную цэласнасьць».

Паказаць камэнтары

XS
SM
MD
LG