Лінкі ўнівэрсальнага доступу

Славаччына пачне рэвэрсныя пастаўкі газу ва Ўкраіну


Сёньня ўрад Славаччыны павінен даць згоду на пачатак рэвэрсных паставак газу, якія могуць быць распачатыя для Ўкраіны ўжо ў лістападзе гэтага года.

Пра гэта паведаміў міністар эканомікі Славакіі Томаш Малацінскі, якога цытуе УНІАН:

«Мы сёньня маем падрыхтаванае рашэньне. У панядзелак я падпішу ліцэнзію славацкай газатранспартнай кампаніі „Eustream“ на такое рашэньне, якое дазволіць у лістападзе пастаўляць рэвэрсны газ у неабходным аб’ёме. Гэты аб’ём у далейшым можна павялічваць. Такое рашэньне трэба абмеркаваць з расейскім бокам», — сказаў славацкі міністар.

Акрамя таго, міністар замежных спраў Славакіі Міраслаў Лайчак нядаўна паведаміў, што Славаччына пачала тэхнічную падрыхтоўку да рэвэрсу газу.
Сёньня Ўкраіне даступныя два рэвэрсныя кірункі — праз Польшчу і Вугоршчыну.
Украіна плянуе атрымліваць з Славаччыны газ у аб’ёмах да 10 мільярдаў кубамэтраў у год, а з Вугоршчына і Польшчы — па мільярду кубамэтраў газу.

Расея запатрабавала ад Украіны плаціць за газ каля 500 даляраў за тысячу кубамэтраў. Рэвэрсны газ будзе каштаваць Украіне значна таньней.
XS
SM
MD
LG