Лінкі ўнівэрсальнага доступу

Ужо сёньня, 14 красавіка: прэзэнтацыя «Полацкага сшытка», два гады Саньнікава на волі


Андрэй Саньнікаў

Андрэй Саньнікаў

Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

У Страсбуры адкрыецца пленарная сэсія Эўрапарлямэнту.

У Люксэмбургу зьбярэцца рада Эўразьвязу ў міжнародных пытаньнях.

У Менску ў Палацы вэтэранаў прэзэнтацыя «Полацкага сшытку» – артэфакту беларускай музычнай культуры. Пры падтрымцы Радыё Свабода. Пачатак а 19-й.

Пачынаецца Менскі тыдзень моды. Сёлета ўдзел у ім, акрамя беларускіх, бяруць таксама дызайнэры з Чэхіі, Фінляндыі, Эстоніі і Расеі.

Жаночыя каманды «Мінск» і «Бабруйчанка» сустрэнуцца ў суперкубку Беларусі па футболе.
ТАКСАМА Ў ГЭТЫ ДЗЕНЬ:

1432 – пачаў валадарыць Жыгімонт Кейстутавіч, вялікі князь літоўскі.

1912 – карабель «Тытанік» сутыкнуўся з айсбэргам і затануў.

1956 – ангельскія вынаходнікі прадэманстравалі, як дзейнічае відэамагнітафон.

1978 – Вярхоўны Савет БССР прыняў «брэжнеўскую» канстытуцыю Беларусі, апошнюю ў савецкай імпэрыі (дзейнічала да 1994 году).

1988 – у Варшаве заснавалі Беларускае аб’яднаньне студэнтаў.

2011 – Рада бясьпекі ААН асудзіла тэракт у менскім мэтро, які здарыўся 11 красавіка. У Менску былі пахаваныя першыя 8 ахвяраў тэракту.

2012 – зь Віцебскай калёніі быў вызвалены былы кандыдат на прэзыдэнта палітвязень Андрэй Саньнікаў.

У гэты дзень нарадзіліся:

1835 – Валяр’ян Вільчэўскі, лекар, удзельнік паўстаньня 1863-1864 гадоў.

1880 – Язэп Дыла, грамадзкі дзяяч, пісьменьнік.

1885 – Сымон Рак-Міхайлоўскі, грамадзка-палітычны дзяяч, чалец Рады Беларускай Народнай Рэспублікі, публіцыст, заснавальнік і дырэктар настаўніцкай сэмінарыі ў Барунах (1920-1922).

1920 – Аляксей Карпюк, пісьменьнік, грамадзкі дзеяч.

У гэты дзень памёрлі:

1101 – Усяслаў Брачыслававіч (Чарадзей), полацкі князь.

1347 – Антоні, адзін з трох віленскіх пакутнікаў, павешаны.

1707 – Тодар Абуховіч, дзяржаўны і вайсковы дзяяч Вялікага княства Літоўскага, мэмуарыст.

2003 – Зора Кіпель, бібліёграф, літаратуразнаўца, публіцыстка, грамадзка-культурная дзяячка эміграцыі ў ЗША.
ЦЫТАТА НА ПАМЯЦЬ:

«Я пакуль яшчэ ня ведаю, на якім я сьвеце, але лічу, што тая салідарнасьць, якая была, ня толькі вызваліла, але і выратавала мяне».

Андрэй Саньнікаў адразу пасьля вызваленьня.
XS
SM
MD
LG