Лінкі ўнівэрсальнага доступу

ЗША лічаць відавочным вонкавае ўзьдзеяньне на беспарадкі ва Ўкраіне


Прадстаўнік офісу прэзыдэнта ЗША Джэй Кэрні

Прадстаўнік офісу прэзыдэнта ЗША Джэй Кэрні

Частка прарасейскіх пратэстоўцаў, якія захапілі ўладныя будынкі на Ўсходзе Украіны, «атрымліваюць грошы і не зьяўляюцца мясцовымі жыхарамі» . Пра гэта заяўляе Белы дом і дадае, што гэтаму ёсьць «пераканаўчыя доказы».

Адначасова сьпікер офісу прэзыдэнта ЗША Джэй Кэрні не ўдакладніў, ці перакананы Вашынгтон, што гэта Расея фінансуе і арганізуе новыя беспарадкі ў Данецку, Луганску і Харкаве.

Ён падкрэсьліў, што Белы дом «занепакоены эскаляцыяй агрэсіі ва Ўкраіне на выходных» і бачыць такое разьвіцьцё падзей «сьледзтвам павелічэньня ціску Расеі на Ўкраіну» .

Кэрні папярэдзіў пра «далейшыя наступствы» па-за межамі ўжо ўведзеных санкцый, калі Масква і надалей будзе парушаць сувэрэнітэт Украіны.
XS
SM
MD
LG