Прэзыдэнт Расеі Уладзімір Пуцін павінен паўстаць перад судом кшталту Гаагскага трыбуналу праз анэксію Крыму. Пра гэта ў інтэрвію выданьню Rzeczpospolita заявіў былы прэзыдэнт Польшчы Лех Валэнса.
«Такія людзі, як Пуцін, павінны паўстаць перад Гаагскім трыбуналам або іншым міжнародным судом. Нельга парушаць міжнародных дамоўленасьцей і пагадненьняў і ствараць небясьпеку для нацыі. Трэба нешта зрабіць, каб кожны яшчэ да пачатку сваіх дзеяньняў ведаў, што яго будуць судзіць за гэта», — адзначыў Валэнса.
На думку былога прэзыдэнта, намаганьнямі міжнароднай супольнасьці павінна быць створана Камісія салідарнасьці, якая прымусіла б Пуціна выконваць міжнародныя дамоўленасьці.
«Я чакаю, калі сьвет адкажа Пуціну па-мужчынску. Цяпер усе выкарыстоўваюць нейкія камбінацыі», — заявіў Валэнса.
На пытаньне, ці варта Ўкраіне ўступаць у НАТО, польскі палітык адказаў: «Калі НАТО аддае Ўкраіну Пуціну, то што гэта за НАТО? Давайце паглядзім, чаго НАТО варта».
«Такія людзі, як Пуцін, павінны паўстаць перад Гаагскім трыбуналам або іншым міжнародным судом. Нельга парушаць міжнародных дамоўленасьцей і пагадненьняў і ствараць небясьпеку для нацыі. Трэба нешта зрабіць, каб кожны яшчэ да пачатку сваіх дзеяньняў ведаў, што яго будуць судзіць за гэта», — адзначыў Валэнса.
На думку былога прэзыдэнта, намаганьнямі міжнароднай супольнасьці павінна быць створана Камісія салідарнасьці, якая прымусіла б Пуціна выконваць міжнародныя дамоўленасьці.
«Я чакаю, калі сьвет адкажа Пуціну па-мужчынску. Цяпер усе выкарыстоўваюць нейкія камбінацыі», — заявіў Валэнса.
На пытаньне, ці варта Ўкраіне ўступаць у НАТО, польскі палітык адказаў: «Калі НАТО аддае Ўкраіну Пуціну, то што гэта за НАТО? Давайце паглядзім, чаго НАТО варта».