Лінкі ўнівэрсальнага доступу

logo-print

1 красавіка ў Беларусі павышаецца кошт праезду ў большасьці відаў грамадзкага транспарту.

У сярэднім на 30 % павысяцца тарыфы на перавозкі пасажыраў і багажу чыгуначным транспартам. Тарыф на праезд на рэгіянальных лініях эканом-кляса падаражэе да 1200 рублёў за адну зону і да 120 рублёў за 1 кілямэтр праезду.

Кошт паездкі на цягніках гарадзкіх ліній ўзрасьце да 6600 рублёў пры перавозцы пасажыраў у межах аднаго тарыфнага пояса, да 7800 рублёў пры перавозцы пасажыраў у межах двух тарыфных паясоў, на да 11400 рублёў у межах трох і да 15600 рублёў у межах чатырох тарыфных паясоў.

На 33 % падаражэў кошт праезду пасажыраў цягнікамі на рэгіянальных лініях бізнэс-кляса.

У сярэднім на 18 % павышаецца кошт праезду на прыгарадных аўтобусах.
Тарыфы на праезд у аўтобусах агульнага тыпу на звычайных маршрутах устаноўленыя ў памеры 488 рублёў за 1 кілямэтр, з мяккімі адкіднымі сядзеньнямі — 504 рублёў за 1 км.

Таксама з 1 красавіка ў Менску павышаецца плата за праезд у грамадзкім гарадзкім транспарце. Кошт адной паездкі ўзрасьце з 3000 рублёў да 3700 рублёў.
XS
SM
MD
LG