Лінкі ўнівэрсальнага доступу

Курултай крымскататарскага народу абвясьціў аб пачатку палітычных і прававых працэдур па стварэньні (аднаўленьні) нацыянальна-тэрытарыяльнай аўтаноміі крымскататарскага народу на яго гістарычнай тэрыторыі — у Крыме.

Адпаведная пастанова была прынята на пазачарговай другой сэсіі Курултаю крымскататарскага народу 29 сакавіка.

На выніковым галасаваньні гэтую пастанову з унесенымі папраўкамі падтрымала большасьць з прысутных дэлегатаў. Так, паьля перапынку было зарэгістравана 217 дэлегатаў. За прагаласавала 212 дэлегатаў, супраць — 4, устрымаўся — 1.

Згодна з пастановай, Курултай даручыў Мэджлісу крымскататарскага народу «ўвайсці ў адносіны зь міжнароднымі арганізацыямі — ААН, Радай Эўропы, Эўразьвязам, АБСЭ, Арганізацыяй ісламскага супрацоўніцтва, парлямэнтамі і ўрадамі дзяржаў па ўсіх пытаньнях забесьпячэньня права крымскататарскага народу на самавызначэньне».

Курултай таксама звярнуўся да ААН, Рады Эўропы, Эўразьвязу, АБСЭ, Арганізацыі ісламскага супрацоўніцтва, да народаў, парлямэнтаў і ўрадаў дзяржаў з заклікам падтрымаць права крымскататарскага народу на самавызначэньне.

Паказаць камэнтары

XS
SM
MD
LG