ПАДЗЕІ ДНЯ
Менск, у 10.30 з Акрэсьціна выходзяць на волю пасьля адміністратыўнага арышту на 10 сутак актывісты АГП Уладзімер Раманоўскі, Яўген Храпаў і Міхаіл Бабіла і намесьнік старшыні БСДП (Народная Грамада) Аляксандар Арастовіч за пікет салідарнасьці з палітвязьнямі 16 сакавіка.
Менск, у офісе цэнтральнага апарату Лібэральна-дэмакратычнай партыі — прэсавая канфэрэнцыя першага намесьніка старшыні ЛДПБ Алега Гайдукевіча. Пачатак у 12.00.
Брусэль, саміт ЗША-Эўразьвяз з удзелам прэзыдэнта ЗША Барака Абамы, прэзыдэнта Эўрапейскай Рады Германа ван Ромпэя і прэзыдэнта Эўракамісіі Жазэ Мануэля Барозу.
Кіеў, візыт ва Ўкраіну камісара Эўразьвязу ў пытаньнях пашырэньня і палітыкі добрасуседзтва Штэфана Фюле
ДЗЕНЬ У ГІСТОРЫІ
1944: У Менску ў гарадзкім тэатры адбылася прэм’ера опэры «Усяслаў Чарадзей» М. Шчаглова-Куліковіча на вершы Н. Арсеньневай
1944: У часе Другой сусьветнай вайны савецкія войскі ля горада Бельцы выйшлі да дзяржаўнай мяжы СССР
1948: Увядзеньне ЗША эмбарга на гандаль так званымі стратэгічнымі таварамі з сацыялістычнымі краінамі
1953: Джонас Солк абвяшчае стварэньне вакцыны ад поліяміэліту.
1971: Бангладэш (Усходні Пакістан) абвяшчае сваю незалежнасьць ад Пакістану
1979: Ізраільскі прэм’ер-міністар Менахем Бэгін і прэзыдэнт Эгіпту Анвар Садат падпісалі эгіпецка-ізраільскую мірную дамову пасьля двух гадоў перамоваў
1988: Утварэньне заснавальніцкага камітэту Беларускага Аб’яднаньня Студэнтаў (БАС) у Польшчы
1995: Пачынае дзейнічаць Шэнгенскае пагадненьне
2000: Уладзімер Пуцін абраны прэзыдэнтам Расеі
У гэты дзень нарадзіліся:
1874: Робэрт Фрост, амэрыканскі пісьменьнік
1911: Тэнэсі Ўільямс, амэрыканскі пісьменьнік
1940: Міхаіл Касьцюк, беларускі гісторык, акадэмік НАНБ
1942: Іван Арабейка, беларускі паэт
1949: Патрык Зюскінд, нямецкі пісьменьнік
1960: Віктар Шніп, беларускі паэт
У гэты дзень памерлі:
1827: Людвіг ван Бэтховэн, нямецкі кампазытар
1923: Сара Бэрнар, француская актрыса
1932: Зігмунд Лазінскі, беларускі каталіцкі рэлігійны дзеяч, біскуп
ЦЫТАТА ДНЯ
Розьніца паміж дарослымі і дзецьмі палягае ў кошце іх цацак.
Робэрт Фрост