Паплечнікі Аляксандра Музычкі па Правым сэктары Аляксандар Паньцюхоў і Раман Коваль у афіцыйную вэрсію, што Музычка быў забіты ў перастрэлцы зь міліцыяй пры спробе затрыманьня, ня вераць. Паньцюхоў, які прыехаў на месца здарэньня, заяўляе, што адсутнасьць у Сашка Белага зброі, палажэньне цела забітага, зьвязаныя за сьпіной рукі, а таксама рана ў сэрцы ад блізкага стрэлу кажуць пра тое, што мэтай тых, хто нападаў, быў ня арышт, а фізычнае зьнішчэньне Музычкі.
«Ніводнага стрэлу супраць ворагаў, сапраўдных ворагаў, якія захапілі Крым, не было зроблена. Стрэл прагучаў супраць патрыёта Ўкраіны. Ніякіх позваў яму не прыходзіла. Ніякіх выклікаў у міліцыю яму не было. Проста гэта было забойства, якое выканала спэцпадразьдзяленьне «Сокал», — кажа Аляксандар Паньцюхоў.
Каму страшны Музычка
Адкрытае супрацьстаяньне Музычка-Авакаў пачалося з інцыдэнту ў Ровенскай раённай пракуратуры з удзелам Музычкі, відэа якога абляцела сьвет. Менавіта тады міністар рэзка асудзіў дзеяньні Музычкі і абавязаў падначаленых правесьці расьсьледаваньне.
За гэты час грамадзкасьць Ровеншчыны дамаглася ад байцоў Правага сэктару зьняцьця масак і адмовы ад адкрытага нашэньня зброі. Аляксандар Музычка рэзка крытыкаваў бязьдзейнасьць украінскай улады ў крымскім пытаньні. Апошнім часам «Правы сэктар» праводзіў трэніроўкі і рыхтаваўся да мабілізацыі на беларуска-украінскую мяжу, паведамляе карэспандэнт Радыё Свабода з Роўна.
8 сакавіка сьледчыя МУС адкрылі крымінальную вытворчасьць па артыкулах Крымінальнага кодэксу, якія прадугледжваюць адказнасьць за хуліганства, а таксама за пагрозы або гвалт адносна работніка праваахоўных органаў. 9 сакавіка Музычку паведамілі аб падазрэньні ў зьдзяйсьненьні крымінальных злачынстваў, а 12 сакавіка яго аб’явілі ў вышук.
Бандыт або патрыёт?
Між тым пераважная большасьць жыхароў Роўна пра існаваньне ў сваім горадзе бандыцкіх фармаваньняў да гэтага часу ня верыць. Нават тыя, каго абуралі дэманстратыўныя паводзіны Музычкі і яго публічныя пагрозы міністру, прызнаюцца, што адчувалі сябе ў горадзе спакойна, а паводзіны Музычкі ўспрымалі хто як нявыхаванасьць, хто як харызму. Земляку аддадуць пашану: разьвітвацца зь ім будуць заўтра ў памяшканьні абласнога магнітаправоду.
Лідэр Ровенскага Правага сэктару Раман Коваль паведаміў, што цяпер у кватэрах яго паплечнікаў міліцыя праводзіць ператрусы. Ён заявіў, што яму вядомыя пляны фізычнага зьнішчэньня самога Коваля і кіраўніка Ровенскай УНА Яраслава Гранітнага, і таму яны «не здадуць зброі» .
Кіраўнік «Правага сэктару» Зьміцер Яраш патрабуе адстаўкі міністра Арсена Авакава і адкрыцьця крымінальнай справы супраць камандзіра спэцпадразьдзяленьня «Сокал», які кіраваў апэрацыяй па абясшкоджваньні Сашы Белага.
«Ніводнага стрэлу супраць ворагаў, сапраўдных ворагаў, якія захапілі Крым, не было зроблена. Стрэл прагучаў супраць патрыёта Ўкраіны. Ніякіх позваў яму не прыходзіла. Ніякіх выклікаў у міліцыю яму не было. Проста гэта было забойства, якое выканала спэцпадразьдзяленьне «Сокал», — кажа Аляксандар Паньцюхоў.
Каму страшны Музычка
Адкрытае супрацьстаяньне Музычка-Авакаў пачалося з інцыдэнту ў Ровенскай раённай пракуратуры з удзелам Музычкі, відэа якога абляцела сьвет. Менавіта тады міністар рэзка асудзіў дзеяньні Музычкі і абавязаў падначаленых правесьці расьсьледаваньне.
За гэты час грамадзкасьць Ровеншчыны дамаглася ад байцоў Правага сэктару зьняцьця масак і адмовы ад адкрытага нашэньня зброі. Аляксандар Музычка рэзка крытыкаваў бязьдзейнасьць украінскай улады ў крымскім пытаньні. Апошнім часам «Правы сэктар» праводзіў трэніроўкі і рыхтаваўся да мабілізацыі на беларуска-украінскую мяжу, паведамляе карэспандэнт Радыё Свабода з Роўна.
8 сакавіка сьледчыя МУС адкрылі крымінальную вытворчасьць па артыкулах Крымінальнага кодэксу, якія прадугледжваюць адказнасьць за хуліганства, а таксама за пагрозы або гвалт адносна работніка праваахоўных органаў. 9 сакавіка Музычку паведамілі аб падазрэньні ў зьдзяйсьненьні крымінальных злачынстваў, а 12 сакавіка яго аб’явілі ў вышук.
Бандыт або патрыёт?
Між тым пераважная большасьць жыхароў Роўна пра існаваньне ў сваім горадзе бандыцкіх фармаваньняў да гэтага часу ня верыць. Нават тыя, каго абуралі дэманстратыўныя паводзіны Музычкі і яго публічныя пагрозы міністру, прызнаюцца, што адчувалі сябе ў горадзе спакойна, а паводзіны Музычкі ўспрымалі хто як нявыхаванасьць, хто як харызму. Земляку аддадуць пашану: разьвітвацца зь ім будуць заўтра ў памяшканьні абласнога магнітаправоду.
Лідэр Ровенскага Правага сэктару Раман Коваль паведаміў, што цяпер у кватэрах яго паплечнікаў міліцыя праводзіць ператрусы. Ён заявіў, што яму вядомыя пляны фізычнага зьнішчэньня самога Коваля і кіраўніка Ровенскай УНА Яраслава Гранітнага, і таму яны «не здадуць зброі» .
Кіраўнік «Правага сэктару» Зьміцер Яраш патрабуе адстаўкі міністра Арсена Авакава і адкрыцьця крымінальнай справы супраць камандзіра спэцпадразьдзяленьня «Сокал», які кіраваў апэрацыяй па абясшкоджваньні Сашы Белага.
