Пратакол перададуць у суд, паведамілі ў міліцыі.
Асноўным сьведкам быў галоўны рэжысёр тэатру лялек Алег Жугжда. На падставе ягоных паказаньняў і склалі пратакол на журналіста. Алесь Дзянісаў адмовіўся адказваць на пытаньне, ці рабіўся сюжэт для Белсату. І адмовіўся тлумачыць, як адзьняты матэрыял трапіў на Белсат.
У міліцэйскім пратаколе сьцьвярджаецца:
«А.Дзянісаў, зьяўляючыся ўласным карэспандэнтам польскага спадарожнікавага тэлеканалу Белсат і будучы не акрэдытаваным пры МЗС у якасьці карэспандэнта замежных СМІ, знаходзячыся ў памяшканьні гарадзенскага тэатру лялек, ажыцьцявіў інтэрвіюіраваньне галоўнага рэжысёра А. Жугжды. Пасьля чаго падрыхтаваны рэпартаж 7 лютага быў паказаны ў эфіры тэлеканалу Белсат. Сваімі дзеяньнямі А.Дзянісаў незаконна падрыхтаваў і распаўсюдзіў прадукцыю сродкаў масавай інфармацыі, чым парушыў заканадаўства аб СМІ РБ».
Алесь Дзянісаў напісаў, што з пратаколам згодны часткова: сапраўды быў у тэатры і размаўляў з Жугждам, але не зьяўляецца ўласным карэспандэнтам Белсату. Ніякіх тлумачэньняў наконт тэлесюжэту ён ня даў.
Пратакол складзены паводле часткі ІІ артыкула 22.9 Адміністрацыйнага кодэксу.
Асноўным сьведкам быў галоўны рэжысёр тэатру лялек Алег Жугжда. На падставе ягоных паказаньняў і склалі пратакол на журналіста. Алесь Дзянісаў адмовіўся адказваць на пытаньне, ці рабіўся сюжэт для Белсату. І адмовіўся тлумачыць, як адзьняты матэрыял трапіў на Белсат.
У міліцэйскім пратаколе сьцьвярджаецца:
«А.Дзянісаў, зьяўляючыся ўласным карэспандэнтам польскага спадарожнікавага тэлеканалу Белсат і будучы не акрэдытаваным пры МЗС у якасьці карэспандэнта замежных СМІ, знаходзячыся ў памяшканьні гарадзенскага тэатру лялек, ажыцьцявіў інтэрвіюіраваньне галоўнага рэжысёра А. Жугжды. Пасьля чаго падрыхтаваны рэпартаж 7 лютага быў паказаны ў эфіры тэлеканалу Белсат. Сваімі дзеяньнямі А.Дзянісаў незаконна падрыхтаваў і распаўсюдзіў прадукцыю сродкаў масавай інфармацыі, чым парушыў заканадаўства аб СМІ РБ».
Алесь Дзянісаў напісаў, што з пратаколам згодны часткова: сапраўды быў у тэатры і размаўляў з Жугждам, але не зьяўляецца ўласным карэспандэнтам Белсату. Ніякіх тлумачэньняў наконт тэлесюжэту ён ня даў.
Пратакол складзены паводле часткі ІІ артыкула 22.9 Адміністрацыйнага кодэксу.
