Лінкі ўнівэрсальнага доступу

Смаргонь: У актывіста Уладзімера Шульжыцкага правялі ператрус


Уладзімер Шульжыцкі, архіўнае фота

Уладзімер Шульжыцкі, архіўнае фота

Міліцыянты канфіскавалі адзін нумар праваабарончага бюлетэня «Смаргонскі грак».

Паводле Шульжыцкага, яго затрымалі за раздачу праваабарончага бюлетэня «Смаргонскі грак» у адным з гарадзкіх інтэрнатаў. Міліцыянты склалі пратакол і канфіскавалі 31 асобнік бюлетэня на падставе таго, што Шульжыцкі, зь ягоных слоў, ня меў пры сабе дазволу на распаўсюд бюлетэня.

Пасьля гэтага зрабілі ператрус у ягонай кватэры, дзе знайшлі яшчэ адзін нумар бюлетэня. Шульжыцкага адпусьцілі, але выпісалі позву ў РАУС на 25 сакавіка.

Бюлетэнь «Смаргонскі грак» выдаецца нерэгулярна на працягу трох гадоў накладам 299 асобнікаў. Рэдактар — смаргонскі праваабаронца Алесь Дзергачоў. Яго вельмі зьдзівіла затрыманьне Шульжыцкага і праведзены ў ягонай кватэры ператрус:

«Я зьдзіўлены, што міліцыянты казалі пра нейкую пастанову наконт дазволу на распаўсюд бюлетэня. Нічога падобнага ў заканадаўстве няма. Дый у самім бюлетэні ніякіх забароненых тэмаў не асьвятлялася. Галоўная тэма нумару — чаму смаргонскія сябры БНФ не бяруць удзелу ў выбарах».

Паказаць камэнтары

XS
SM
MD
LG