Лінкі ўнівэрсальнага доступу

Армэнія падтрымала анэксію Крыма


Уладзімер Пуцін і Серж Саргсян
Уладзімер Пуцін і Серж Саргсян

Прэзыдэнт Армэніі Серж Саргсян у гутарцы з калегам з Расеі Ўладзімірам Пуціным у сераду абмеркаваў становішча, якое склалася пасьля «рэфэрэндуму» ў Крыме, і абодва «канстатавалі, што гэта чарговы ўзор рэалізацыі права народаў на самавызначэньне шляхам свабоднага волевыяўленьня», паведаміла прэсавая служба армянскага кіраўніка.

Пры гэтым, гаворыцца ў паведамленьні, яны падкрэсьлілі неабходнасьць прытрымлівацца нормаў і прынцыпаў міжнароднага права, у першую чаргу Статута ААН.

Акрамя таго, у ходзе размовы прэзыдэнты абмеркавалі ход крокаў, якія ажыцьцяўляюцца ў мэтах выкананьня рашэньня Армэніі ўступаць у Мытны саюз, гаворыцца ў паведамленьні.

Прэзыдэнт Армэніі мінулай восеньню пад ціскам Расіі рэзка зьмяніў свой тагачасны курс на эўраінтэграцыю і замест парафіяваньня ўжо падрыхтаванага пагадненьня аб асацыяцыі і зоне свабоднага гандлю з Эўрапейскім зьвязам абвясьціў, што краіна будзе ўступаць затое ў Мытны саюз пад кіраўніцтвам Расеі.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG