Лінкі ўнівэрсальнага доступу

Аншлюс Крыма плянуюць аформіць у пятніцу


Дзярждума Расеі рыхтуецца ў пятніцу ратыфікаваць пагадненьне аб далучэньні Крыма і Севастопаля да Расеі

Пра гэта заявіў віцэ-сьпікер Дзярждумы, намесьнік кіраўніка фракцыі «Адзіная Расея» Сяргей Жалязьняк,— перадае «РИА Новости».

«Мае калегі прыкладуць максымум намаганьняў, каб ужо ў пятніцу мы маглі ратыфікаваць пагадненьні і запусьціць працэдуру прыняцьця фэдэральных канстытуцыйных законаў і даць калегам у Савеце Фэдэрацыі выканаць сваю частку працы», — сказаў Жалязьняк.

Ён адзначыў, што ў Дзярждуме ў пятніцу будзе пленарнае пасяджэньне і таксама яму вядома, што Савет Фэдэрацыі на пятніцу прызначыў дадатковае пленарнае пасяджэньне.

«Пытаньне аб хутчэйшай ратыфікацыі пагадненьняў будуць праведзенае да канца гэтага тыдня», — сказаў Жалязьняк.

Ён адзначыў, што сёньня дэпутаты правядуць кансультацыі са сваімі крымскімі калегамі з нагоды ратыфікацыі пагадненьняў.
XS
SM
MD
LG