ПАДЗЕІ ДНЯ
Дзень унутраных войскаў Беларусі
Менск,. У офісе прафсаюзу супрацоўнікаў радыёэлектроннай прамысловасьці (вул. Кульман, 4) пройдзе прэсавая канфэрэнцыя аўтараў пазову ў суд паводле стану Курапатаў. Пачатак у 13.00.
Масква. Прэзыдэнт Расеі Ўладзімер Пуцін зьвернецца з прамовай да Фэдэральнага сходу пра зварот Крыму аб ўступленьні ў Расейскую Фэдэрацыю.
ДЗЕНЬ У ГІСТОРЫІ
37 — Пачатак кіраваньня рымскага імпэратара Калігулы.
1595 — Кароль і вялікі князь Жыгімонт Ваза надаў Наваградку герб.
1848 — Пачатак рэвалюцыі ў Нямеччыне.
1856 — Падпісаньне дамовы аб заканчэньні крымскай вайны, у якой Расея пацярпела паразу.
1871 — Эвакуацыя францускага ўраду з Парыжу, узяцьце ўлады Парыскай камунай.
1921 — паміж РСФСР і Польшчай падпісана Рыская дамова, якая тэрытарыяльна падзяліла Беларусь: беларускія заходнія землі перадаваліся пад уладу Польшчы, а ўсходнія ўваходзілі ў склад РСФСР.
1992 — Вярхоўны Савет Беларусі загадаў ураду пачаць фармаваньне нацыянальных Узброеных сіл.
У гэты дзень нарадзіліся:
1858 — Рудольф Хрысьціян Карл Дызэль, нямецкі інжынэр і вынаходнік, стваральнік дызэльнага рухавіка.
1894 — айцец Альбін Стаповіч, беларускі грамадзка-палітычны і каталіцкі дзеяч.
1928 — Юрка Станкевіч, дзяяч беларускай эміграцыі, сябра Рады БНР
1932 — Эрнэст Сабіла, беларускі пратэстанцкі рэлігійны і грамадзкі дзеяч, дысыдэнт.
1962 — Стэфан Эрыксан, швэдзкі дыплямат, былы пасол Швэцыі ў Беларусі
У гэты дзень памерлі:
1584 — Іван IV Жахлівы
1980 — Эрых Фром, нямецка-амэрыканскі філёзаф, сацыяльны псыхоляг і псыхааналітык
ЦЫТАТА ДНЯ
У жыцьці людзей выпадковасьцяў не бывае. Усё праглядае вокам сваім Бог.
Эрнэст Сабіла