Лінкі ўнівэрсальнага доступу

У Баранавічы перакінулі «расейскі АВАКС»


На фоне крызісу ва Ўкраіне расейскія і беларускія Ўзброеныя сілы праводзяць у Беларусі супольныя вучэньні.

Паводле прэсавай службы Мінабароны Беларусі, працягваецца другі этап праверкі баявой гатоўнасьці Ўзброеных сіл краіны і Адзінай рэгіянальнай сыстэмы СПА Рэспублікі Беларусь і Расейскай Фэдэрацыі.

«15 сакавіка сілы і сродкі ВПС і войскаў СПА, задзейнічаныя ў праверцы, у вызначаныя тэрміны заступілі на баявое дзяжурства па супрацьпаветранай абароне.

Дзяжурныя сілы па супрацьпаветранай абароне былі правераныя палётамі кантрольных цэляў, у якасьці якіх выступілі самалёты і верталёты ВПС і войскаў СПА Ўзброеных сіл Рэспублікі Беларусь».

Для ўзмацненьня задзейнічанага ў праверцы кампанэнта Адзінай рэгіянальнай сыстэмы СПА ажыццёўлена перадысьлякацыя на аэрадром «Баранавічы» расейскага самалёта ДРЛО А-50″.

Тэхнічныя характарыстыкі авіяцыйнага комплексу радыёлякацыйнага выяўленьня і навядзеньня А-50 дазваляюць значна пашырыць магчымасьці радыёлякацыйнай выведкі, навядзеньня зьнішчальнай авіяцыі Беларусі і Расеі, а таксама кіраваньня дзяжурнымі сіламі СПА.

Паказаць камэнтары

XS
SM
MD
LG