«Паважаныя карыстальнікі! Прыносім свае прабачэньні, але доступ да сайту абмежаваны». Такі зварот устурбаваў некаторых чытачоў у чацьвер вечарам (13 сакавіка), калі яны паспрабавалі атрымаць доступ да папулярнага навіннага парталу апазыцыі grani.ru.
Grani.ru зьяўляецца адным з трох вэб-сайтаў, забароненых расейскімі ўладамі паводле новага закону. Пра гэты дакумэнт крытыкі кажуць, што ён пакліканы задушаць незалежныя сродкі масавай інфармацыі, у прыватнасьці, у Інтэрнэце, які зьяўляецца адной з апошніх плятформаў для свабоды слова ў Расеі.
У дадатак да блякаваньня Grani.ru, рэгулятар урадавай сувязі, так званы «Раскамнагляд», загадаў расейскім правайдэрам заблякаваць доступ да ej.ru — сайту інтэрнэт-часопіса «Ежедневный журнал», і Kasparov.ru — вэб-сайту, якім кіруе апазыцыйны палітык і былы чэмпіён сьвету па шахматах Гары Каспараў. Усе тры пляцоўкі адзначаліся зьнішчальнай крытыкай палітыкі Крамля, у тым ліку акупацыі Крымскага паўвострава Ўкраіны расейскімі войскамі.
Блог лідэра расейскай апазыцыі Аляксея Навальнага таксама на кароткі час быў заблякаваны — на той падставе, што Навальны парушыў рэжым хатняга арышту. Але пазьней яго разблякавалі.
«Гэтым разам улады нават не пераймаліся наконт захаваньня прыстойнасьці і пераадрасавалі гэтыя прэтэнзіі непасрэдна да нас, — сказаў у інтэрвію Радыё Свабода Аляксандр Рыклін, рэдактар „Ежедневного журнала“. — Яны проста імгненна зачынілі амаль усе вядучыя вэб-сайты, якія перадаюць больш-менш незалежныя ад іх думкі».
Іншыя сайты Генэральная пракуратура загадала заблякаваць паводле абвінавачаньня ў «закліках да супрацьпраўнай дзейнасьці і да ўдзелу ў масавых мерапрыемствах, якія праводзяцца з парушэньнямі грамадзкага парадку».
Радыёстанцыі «Эхо Масквы» было прапанавана выдаліць блог Аляксея Навальнага са свайго сайту, у выніку чаго некаторыя правайдэры блякавалі ўвесь сайт. Прэсавая сакратарка Навальнага Ганна Вядута назвала гэты крок часткай кампаніі Крамля «Чыстка мэдыя-прасторы».
Гэтыя новыя рэпрэсіі адбыліся праз дзень пасьля таго, як рэдактарка папулярнага сайту Lenta.ru была звольнена за асьвятленьне ўкраінскага крызысу, што выклікала масавы сыход журналістаў з гэтага рэсурсу. Lenta.ru раней атрымлівала афіцыйнае папярэджаньне за публікацыю спасылкі на інтэрвію зь лідэрам ультра-нацыяналістычнай, антырасейскай украінскай групоўкі «Правы Сэктар».
Спрэчны новы закон дазваляе пракурорам забараняць вэб-сайты без пастановы суду, калі яны апублікуюць заклікі да ўдзелу ў масавых акцыях пратэсту, заплянаваных без дазволу ўраду. Юлія Беразоўская, генэральная дырэктарка Grani.ru заявіла, што яна чакала праблемаў пасьля таго, як новы закон уступіў у дзеяньне 1 лютага:
«Grani.ru аб’яўлялі і асьвятлялі розныя мітынгі і шэсьці, як вялікія, так і малыя. Мы будзем працягваць гэта рабіць. Незаконнымі зьяўляюцца дзеяньні рэгулятара, а ня наша журналісцкая дзейнасьць».
Grani.ru падалі судовы пазоў з нагоды блякаваньня свайго сайту.
Усе чатыры вэб-сайты могуць быць даступныя праз інтэрнэт-правайдэраў, якія знаходзяцца за межамі Расеі. Да таго ж, з незразумелых прычынаў, Grani.ru па-ранейшаму даступны ў некалькіх расійскіх правайдэраў. У інтэрнэце шырока публікуюцца інструкцыі, як абыйсьці забарону.
Нягледзячы на няпэўнасьць сытуацыі і няпэўнасьць будучыні, спадар Рыклін кажа, што сайт ej.ru паспрабуе працаваць у звычайным рэжыме. Ён заклікае чытачоў падтрымаць сайт, па-ранейшаму наведваючы яго ў абыход забароны:
«Я быў бы ўдзячны, каб людзі падтрымалі „Ежедневный журнал“, знайшоўшы спосаб працягваць нас чытаць. Устойлівы трафік будзе служыць нам доказам. Вялікі дзякуй усім загадзя».
Grani.ru зьяўляецца адным з трох вэб-сайтаў, забароненых расейскімі ўладамі паводле новага закону. Пра гэты дакумэнт крытыкі кажуць, што ён пакліканы задушаць незалежныя сродкі масавай інфармацыі, у прыватнасьці, у Інтэрнэце, які зьяўляецца адной з апошніх плятформаў для свабоды слова ў Расеі.
У дадатак да блякаваньня Grani.ru, рэгулятар урадавай сувязі, так званы «Раскамнагляд», загадаў расейскім правайдэрам заблякаваць доступ да ej.ru — сайту інтэрнэт-часопіса «Ежедневный журнал», і Kasparov.ru — вэб-сайту, якім кіруе апазыцыйны палітык і былы чэмпіён сьвету па шахматах Гары Каспараў. Усе тры пляцоўкі адзначаліся зьнішчальнай крытыкай палітыкі Крамля, у тым ліку акупацыі Крымскага паўвострава Ўкраіны расейскімі войскамі.
Блог лідэра расейскай апазыцыі Аляксея Навальнага таксама на кароткі час быў заблякаваны — на той падставе, што Навальны парушыў рэжым хатняга арышту. Але пазьней яго разблякавалі.
«Гэтым разам улады нават не пераймаліся наконт захаваньня прыстойнасьці і пераадрасавалі гэтыя прэтэнзіі непасрэдна да нас, — сказаў у інтэрвію Радыё Свабода Аляксандр Рыклін, рэдактар „Ежедневного журнала“. — Яны проста імгненна зачынілі амаль усе вядучыя вэб-сайты, якія перадаюць больш-менш незалежныя ад іх думкі».
Іншыя сайты Генэральная пракуратура загадала заблякаваць паводле абвінавачаньня ў «закліках да супрацьпраўнай дзейнасьці і да ўдзелу ў масавых мерапрыемствах, якія праводзяцца з парушэньнямі грамадзкага парадку».
Радыёстанцыі «Эхо Масквы» было прапанавана выдаліць блог Аляксея Навальнага са свайго сайту, у выніку чаго некаторыя правайдэры блякавалі ўвесь сайт. Прэсавая сакратарка Навальнага Ганна Вядута назвала гэты крок часткай кампаніі Крамля «Чыстка мэдыя-прасторы».
Гэтыя новыя рэпрэсіі адбыліся праз дзень пасьля таго, як рэдактарка папулярнага сайту Lenta.ru была звольнена за асьвятленьне ўкраінскага крызысу, што выклікала масавы сыход журналістаў з гэтага рэсурсу. Lenta.ru раней атрымлівала афіцыйнае папярэджаньне за публікацыю спасылкі на інтэрвію зь лідэрам ультра-нацыяналістычнай, антырасейскай украінскай групоўкі «Правы Сэктар».
Спрэчны новы закон дазваляе пракурорам забараняць вэб-сайты без пастановы суду, калі яны апублікуюць заклікі да ўдзелу ў масавых акцыях пратэсту, заплянаваных без дазволу ўраду. Юлія Беразоўская, генэральная дырэктарка Grani.ru заявіла, што яна чакала праблемаў пасьля таго, як новы закон уступіў у дзеяньне 1 лютага:
«Grani.ru аб’яўлялі і асьвятлялі розныя мітынгі і шэсьці, як вялікія, так і малыя. Мы будзем працягваць гэта рабіць. Незаконнымі зьяўляюцца дзеяньні рэгулятара, а ня наша журналісцкая дзейнасьць».
Grani.ru падалі судовы пазоў з нагоды блякаваньня свайго сайту.
Усе чатыры вэб-сайты могуць быць даступныя праз інтэрнэт-правайдэраў, якія знаходзяцца за межамі Расеі. Да таго ж, з незразумелых прычынаў, Grani.ru па-ранейшаму даступны ў некалькіх расійскіх правайдэраў. У інтэрнэце шырока публікуюцца інструкцыі, як абыйсьці забарону.
Нягледзячы на няпэўнасьць сытуацыі і няпэўнасьць будучыні, спадар Рыклін кажа, што сайт ej.ru паспрабуе працаваць у звычайным рэжыме. Ён заклікае чытачоў падтрымаць сайт, па-ранейшаму наведваючы яго ў абыход забароны:
«Я быў бы ўдзячны, каб людзі падтрымалі „Ежедневный журнал“, знайшоўшы спосаб працягваць нас чытаць. Устойлівы трафік будзе служыць нам доказам. Вялікі дзякуй усім загадзя».