Лінкі ўнівэрсальнага доступу

Золата Свабоды: Міхаіл Дубянецкі. «Трэба рызыкаваць»


Радыё Свабода прадстаўляе аўдыёзапіс успамінаў Міхаіл Дубянецкага.

Міхаіл Дубянецкі (1927–1990) — беларускі кнігавыдавец, пісьменьнік, перакладчык, грамадзкі дзеяч. Сябра Саюзу беларускіх пісьменьнікаў (1984).

У 1979–1986 гг. дырэктар выдавецтва «Мастацкая літаратура».

Ініцыятар стварэньня шматтамовых выданьняў нацыянальнай літаратуры і фальклёру, выпуску твораў беларускіх клясыкаў, замежнай перакладной літаратуры, маладых паэтаў і пісьменьнікаў.

Абараняў ад чыноўніцкага свавольства і цэнзуры лепшыя творы беларускіх пісьменьнікаў (Вячаслава Адамчыка, Уладзімера Караткевіча, Алеся Карпюка, Пімена Панчанкі, Івана Чыгрынава, Алеся Разанава).

У 1982 г. Дубянецкаму ўдалося дамагчыся завяршэньня выданьня чатырохтамовага збору твораў Васіля Быкава і ўключэньня ў яго раней забароненай ЦК КПСС аповесьці «Мёртвым не баліць».

Адзін з пачынальнікаў нацыянальна-дэмакратычнага руху ў Беларусі ў 1980-х — пачатку 1990-х гг. Старшыня гісторыка-мэмарыяльнай камісіі Беларускага фонду культуры.

Сябра Грамадзкай рады гісторыка-асьветнага таварыства памяці ахвяр сталінізму «Мартыралёг Беларусі» і Аргкамітэту па стварэньні Беларускага народнага фронту за перабудову «Адраджэньне».

Нататкі Дубянецкага, начытаныя літаратарам Сяргеем Законьнікавым, гучалі на хвалях Радыё Свабода ў 2002-м годзе ў праекце «Сучасныя мэмуары».





Усё Золата Свабоды – тут
XS
SM
MD
LG