00:37
12.3.2014
Дзярждэпартамэнт ЗША: Пазыцыя Расеі не зьмянілася
Дзяржаўны сакратар ЗША Джон Керы і міністар замежных спраў Расеі Сяргей Лаўроў у тэлефоннай размове зноў не прыйшлі да згоды, паведамілі ў Дзяржаўным дэпартамэнце.Згодна з паведамленьнем, адказы, якія перадала Расея на прапановы ЗША па дыпляматычным выхадзе з крызісу вакол расейскага ваеннага ўварваньня ва Ўкраіну, сведчаць, што яе пазыцыі не зьмяніліся. Акрамя таго, Расея не ідзе на дээскаляцыю становішча, заявіла прэсавая сакратарка Дзярждэпартамэнту Джэн Псакі.
01:47
12.3.2014
МЗС Украіны пратэстуе супраць прызнаньня Расеяй «незалежнасьці» Крыму
"Рашэньне, прынятае Вярхоўнай Радай Аўтаномнай Рэспублікі Крым, зьяўляецца антыканстытуцыйным, незаконным і юрыдычна нядзейным", - гаворыцца ў паведамленьні.
"Гэты так званы "дакумэнт" парушае нацыянальнае заканадаўства Ўкраіны і палажэньні міжнародных дакумэнтаў, уключна з заявай Старшыні Рады Бясьпекі ААН ад 20 ліпеня 1993 года, якая, як вядома, была аднагалосна падтрымана ўсімі членамі РБ ААН, уключаючы Расейскую Фэдэрацыю", - гаворыцца ў заяве.
03:23
12.3.2014
Кангрэс ЗША асудзіў расейскую інтэрвэнцыю ва Ўкраіне
Палата прадстаўнікоў амэрыканскага Кангрэсу прыняла рэзалюцыю з асуджэньнем парушэньня сувэрэнітэту, незалежнасьці і тэрытарыяльнай цэласьці Ўкраіны ўзброенымі сіламі Расейскай Фэдэрацыі.
04:59
12.3.2014
Крымскія татары будуць адкрыта байкатаваць рэфэрэндум
Крымскія татары будуць байкатаваць рэфэрэндум 16 сакавіка ў Крыме, нягледзячы на тое, што яго вынік ужо вядомы загадзя. Пра гэта ў праграме " Свабода слова" тэлеканалу ICTV заявіў старшыня Мэджлісу Рэфат Чубараў.
07:32
12.3.2014
РАШЭНЬНЕ ПРЫНЯТАЕ. КРЫМ УВОЙДЗЕ Ў СКЛАД РАСЕІ
Пішуць расейскія СМІ
Негалоснае рашэньне аб далучэньні Крыму да Расеі ўжо прынята на самым высокім узроўні ў Крамлі. Пра гэта піша расейскае выданьне «Газета. Ru» са спасылкай на свае крыніцы.
«Крым, хутчэй за ўсё, будзе прыняты ў склад РФ у якасьці рэспублікі, у якой будуць выкарыстоўваць дзьве афіцыйныя мовы: расейскя і крымска-татарская», — піша выданьне.
Аб тэрміне, на працягу якога Масква можа афіцыйна прыняць рашэньне аб уваходжаньні Крыму ў склад Расеі, меркаваньні крыніцаў разыходзяцца. Некаторыя сьцьвярджаюць, што такіх тэрмінаў ня вызначана. У той жа час суразмоўца выданьня, блізкі да адміністрацыі прэзыдэнта Расеі, паведаміў, што пастаўлена задача вырашыць гэтае пытаньне да канца сакавіка. Падставай для такога далучэньня стане расейска-крымская міждзяржаўная дамова.
07:37
12.3.2014
Баярскі, Хазанаў, Табакоў ды іншыя зоркі заявілі аб падтрымцы Пуціну
Дзеячы культуры Расеі выступілі з калектыўнай заявай. Поўны тэкст дакумэнту апублікаваны на афіцыйным сайце расейскага Міністэрства культуры.
Чытайце тут
07:38
12.3.2014
Сярод расейскіх дзеячаў культуры, якія падтрымалі ўварваньне ў Крым, Сяргей Бязрукаў. Аднак у сваім фэйсбуку ён піша трошкі інакш:
Post by Безруков Сергей.
10:58
12.3.2014
Намесьнікі міністраў замежных справаў краінаў СНД адмовіліся сустракацца ў Кіеве
Сустрэча прадстаўнікоў МЗС краінаў СНД адбудзецца 14 сакавіка ў Менску. Раней правядзеньне сустрэчы плянавалі на 12 сакавіка ў Кіеве.
Чытаць далей
10:58
12.3.2014
Крэмль плянуе вярнуць Януковіча ва ўладу — украінскія СМІ
Расея пачала выконваць плян па вяртаньні ва ўладу зрынутага прэзыдэнта Віктара Януковіча. Да такой высновы прыходзіць украінскі тэлеканал Espreso.tvЧытаць далей
11:12
12.3.2014
Францыя не прызнае незалежнасьць Крыму
Улады Францыі не прызнаюць рашэньне Вярхоўнай рады Крыму аб «абвяшчэньні незалежнасьці».Чытаць далей