Лінкі ўнівэрсальнага доступу

Ужо сёньня, 12 сакавіка: візыт прэм'ера Ўкраіны Яцанюка ў ЗША, літаратурная прэмія «Дэбют»


Мэдаль прэміі «Дэбют»
Мэдаль прэміі «Дэбют»

Падзеі і даты сёньняшняга дня ў Беларусі, сьвеце, гісторыі.

ПАДЗЕІ ДНЯ

Вашынгтон, візыт прэм'ер-міністра Ўкраіны Арсеня Яцанюка ў ЗША, дзе заплянаваныя яго сустрэчы з прэзыдэнтам Баракам Абамам, з прадстаўнікамі Кангрэсу, у Міжнародным валютным фондзе і ў Сусьветным банку.

Міжнародны дзень барацьбы з цэнзурай у інтэрнэце.

Менск, у Менгарвыканкаме прэс-канфэрэнцыя на тэму «Праблема ўжываньня наркатычных сродкаў у моладзевым асяродзьдзі». Пачатак у 10 гадзінаў.

Менск, галерэя «Ў», Беларускі ПЭН-цэнтар і Саюз беларускіх пісьменьнікаў запрашаюць на ўручэньне прэміі «Дэбют» імя Максіма Багдановіча.
Пачатак у 19 гадзінаў.

Менск, палац культуры прафсаюзаў, пачатак гастроляў легендарнага францускага кабарэ Crazy Horse. Пачатак у 19 гадзінаў.

ДЗЕНЬ У ГІСТОРЫІ

1229 – армія крыжакоў заняла Іерусалім.

1922 – Грузія, Армэнія і Азэрбайджан утварылі фэдэратыўную рэспубліку, якая ўвайшла ў склад СССР.

1938 – аншлюс Аўстрыі Нямеччынай.

1947 – абвешчаная «дактрына Трумэна» аб стрымліваньні савецкага экспансіянізму.

1986 – у Горадні створаны гісторыка-культурны клюб «Паходня».

1999 – у альянс НАТО ўступілі Чэхія, Польшча і Вугоршчына.

У гэты дзень нарадзіліся:

1914 – Уладзімер Клішэвіч, паэт, публіцыст, вязень савецкіх турмаў, дзяяч эміграцыі ў ЗША.

1922 – Джэк Кэруак, амэрыканскі пісьменьнік і паэт.

1946 – Лайза Мінэлі, амэрыканская акторка, сьпявачка.

У гэты дзень памерлі:

1851 – Ян Баршчэўскі, пісьменьнік, выдавец, адзін з пачынальнікаў новай беларускай літаратуры.

1922 – Кузьма Цярэшчанка, удзельнік клюбу «Беларуская хатка» ў Горадні, адзін з ініцыятараў скліканьня Беларускага зьезду Віленшчыны і Гарадзеншчыны летам 1919 году, міністар унутраных справаў БНР.

ЦЫТАТА ДНЯ

Мінулае вучыць нас, як жыць сёньня.

Ян Баршчэўскі
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG