Лінкі ўнівэрсальнага доступу

logo-print

У Еўпаторыі расейскія вайскоўцы затрымалі журналістаў


Ілюстрацыйнае фота

Ілюстрацыйнае фота

Ва ўкраінскім міністэрстве абароны пацьвердзілі інфармацыю аб тым, што здымачныя групы тэлеканалаў «Аль-Джазіра» і «1+1» апынуліся заблякаванымі ў вайсковай частцы пад Еўпаторыяй (Крым).

Калі журналісты, завяршыўшы здымку, зьбіраліся пакінуць вайсковую частку, каля 150 чалавек перакрылі ім дарогу, паведамляе Бі-бі-сі.

Натоўп запатрабаваў у здымачных груп паказаць адзьнятыя матэрыялы, а таксама пасьведчаньні асобы.

«Людзі, якія сабраліся, сьцьвярджалі, што заходнія СМІ выступаюць супраць Расеі. «Чаму вы кажаце пра вайну. Якая вайна? Украінцы і расейцы – браты», – працытаваў на сваёй старонцы ў «Твітэры» журналіст «Аль-Джазіры» Нік Шыфрын.

У выніку здымачным групам удалося пакінуць вайсковую частку. Тым ня менш, са словаў Шыфрына, натоўп ішоў за імі да ўскраіны гораду, каб пераканацца, што журналісты больш нічога не здымаюць.
XS
SM
MD
LG