Лінкі ўнівэрсальнага доступу

Расея хоча завочна арыштаваць лідэра ўкраінскага «Правага сэктару»


 Дзьмітрый Яраш

Дзьмітрый Яраш

Расейскія сьледчыя завялі крымінальную справу аб закліку да тэрарызму ў дачыненьні да лідэра «Правага сэктару» Дзьмітрыя Яраша, паведаміў афіцыйны прадстаўнік Сьледчага камітэту РФ Уладзімер Маркін.

Раней на старонцы «Правага сэктару» ў сацыяльнай сетцы «ЎКантакце» на кароткі час зьявіўся зварот ад імя Яраша да кіраўніка чачэнскіх тэрарыстаў Доку Ўмарава з заклікам «актывізаваць сваю барацьбу». Пазьней «Правы сэктар» заявіў, што старонку «Ўкантакце» і акаўнт аднаго зь яе адміністратараў узламалі.

«На думку сьледзтва, у сваіх выступах кіраўнік ультранацыяналістычнай украінскай арганізацыі „Правы сэктар“ Дзьмітры Яраш публічна заклікае антырасейскія сілы да экстрэмісцкіх дзеяньняў і тэрору на тэрыторыі Расеі», — адзначыў Маркін.

Сьледчыя будуць прасіць суд завочна арыштаваць Яраша і пасьля абвесьцяць яго ў міжнародны вышук, удакладніў прадстаўнік СК РФ.

Паказаць камэнтары

XS
SM
MD
LG