Лінкі ўнівэрсальнага доступу

Вярхоўная Рада Аўтаномнай Рэспублікі Крым павінна разгледзець пытаньне пра рэфэрэндум. Пра гэта ў відэазвароце паведаміў старшыня крымскага парлямэнту Ўладзімер Канстанцінаў.

«Будзе вынесена два пытаньні — пра правядзеньне Ўсекрымскага рэфэрэндуму 25 траўня пра пашырэньне паўнамоцтваў АРК. Пытаньне другое — пра эканамічную сытуацыю ў Крыме і справаздачу ўраду. Мы плянуем разгледзець гэтыя пытаньні, каб задаволіць патрабаваньні тых людзей, якія сёньня, абураючыся, ходзяць па вуліцах і ня бачаць далейшай пэрспэктывы», — паведаміў Канстанцінаў.

Ён запэўніў, што крымскі парлямэнт працягвае працаваць у штатным рэжыме, нягледзячы на падзеі, якія адбываюцца ва Ўкраіне і Крыме:

«Сытуацыя застаецца напружанай. Учора быў справакаваны канфлікт. Радыкальныя элемэнты не далі нам правесьці пазачарговае пасяджэньне Вярхоўнай Рады. Сёньня я сваім рашэньнем арганізаваў пазачарговае пасяджэньне Вярхоўнай Рады, на якім мы будзем абмяркоўваць найбольш актуальныя пытаньні на сёньняшні дзень для аўтаноміі».



Відэа апублікаванае на ўкраінскім рэсурсе «Цэнтар журналісцкіх расьсьледаваньняў».

Паказаць камэнтары

XS
SM
MD
LG