Лінкі ўнівэрсальнага доступу

Расейскія камуністы «прыплятаюць» беларусаў да выбараў прэзыдэнта


Расейскія камуністы ініцыююць магчымасьць удзелу грамадзянаў Беларусі ў выбарах прэзыдэнта Расейскай Фэдэрацыі.

Такім чынам, паводле ініцыятараў новаўводзінаў, беларусы здолеюць рэалізаваць свае выбарчыя правы ў «саюзнай дзяржаве». Пра гэта паведамляе Інтэрфакс.

«Мы падпісалі папраўкі ў артыкул 38 Канстытуцыі, якія дазволяць удзельнічаць у выбарах прэзыдэнта РФ ня толькі грамадзянам Расеі, але і грамадзянам Беларусі, — заявіў на паседжаньні фракцыі КПРФ у Дзярждуме дэпутат Іван Нікітчук. — Ёсьць саюзная дзяржава Расеі і Беларусі, чаму б нам не ўраўнаць правы яго грамадзянаў? І там ёсьць разумныя людзі, і тут», — зрабіў нечаканую выснову расейскі камуніст.

Кіраўнік фракцыі Сяргей Рашульскі параіў аўтару ініцыятывы перадаць праект закону на разгляд у сакратарыят ЦК КПРФ са словамі: «Ён знойдзе водгук у многіх сэрцах нашых грамадзянаў».

Як лічаць аналітыкі, страціўшы ўплыў на Ўкраіну, цяпер расейскія стратэгі намагаюцца цалкам падпарадкаваць сабе Беларусь.

Паказаць камэнтары

XS
SM
MD
LG